Вирц жума куни янги клуби сафида тиббий кўрикдан ўтади

Sky Sports маълумотларига кўра, "Байер" ва Германия терма жамоасининг 22 ёшли ярим ҳимоячиси жума куни Ливерпулда тиббий кўрикдан ўтиши кутилмоқда. У шу ҳафтада таътили тугаганидан сўнг Буюк Британияга учиб кетади.

Хабарларга кўра, "Ливерпуль" Вирц учун 100 миллион фунт стерлинг кафолатли тўлов қилади, яна 16,5 миллион фунт бонуслар сифатида тўлаб берилади.

Флорианнинг маоши бонусларга қараб йилига 10,2 дан 12,7 миллион фунтгача бўлади. Бу ҳафтасига 195 000 дан 245 000 фунтга тўғри келади.

2024/25 мавсумда Вирц Бундеслигада 31 ўйинда 10 гол урди ва 12 та голли узатма берди.