Винисиус Жуниор футбол империясини кенгайтирди: "Реал" вингери Бразилиянинг "Атлетик" клубини сотиб олди

Sherzod Nurmatov

15 май 2025, 17:22

Мадриднинг "Реал" клуби юлдузи ва Бразилия терма жамоаси вингери Винисиус Жуниор мамлакат иккинчи дивизиони B Сериясида қатнашадиган Бразилиянинг "Атлетик" футбол клубининг янги хўжайини бўлди.

Бу ҳақда "Foot Mercato" хабар берди.

Клуб Сан-Жуан-дел-Рей шаҳрида (Минас-Жерайс штати) жойлашган. Келишувнинг молиявий тафсилотлари ҳозирча ошкор этилмаяпти.

1909 йилда ташкил этилган "Атлетик" камтарона ютуқларга эга – уларнинг ягона унвони - 2023 йилги Минас Жерайс Суперкубоги. 2025 йилда жамоа ўз тарихида биринчи марта Бразилиянинг иккинчи олий лигаси бўлган B Серияда ўйнамоқда.

Эслатиб ўтамиз, Винисиус Жуниор Португалия иккинчи дивизиони клуби "Алверка"нинг маълум улушларига эга.