Винченцо Монтелла: "Фиорентина" бунданда кўп гол ўтказиб юбориши мумкин эди"

– Бу жиддий мағлубият эди, – мураббий сўзларини келтиради Sky Italia.

– Биз характер намойиш эта олмадик, айнан шу мени ҳавотирга солмоқда. Учта голдан ҳам кўпроқ тўп ўтказиб юборишимиз мумкин эди. Ҳимоячиларимиз бир-бирларини тушунишмади.
Еврокубоклар учун кураш давом этади. Биринчи голни рақибга ўзимиз совға қилдик ва барчаси айнан шундан бошланди. Мағлубият сабабини топиш керак.

Муаммо жамоанинг жисмоний тайёргарликда эмас, балки гап футболчиларнинг психологик ҳолатида. Бир неча кун аввал "Ювентус"га қарши бўлган баҳс (0:3) бизга қаттиқ таъсир қилди. Бундай ҳолатга тушиб қолишимизни билмагандик. Охирги беш-олти кунда кўраётган жамоам менга ёқмаяпти ва айнан шу мени ташвишга солмоқда. Мен футболчиларни қайтадан руҳлантиришим зарур.