Вильмотс қийин аҳволда, федерация унинг ёнини олмаяпти

Маълумки, эронликлар ЖЧ-2022 саралаш баҳсларида ёмон иштирок этишяпти. Жамоа шу пайтгача тўртта ўйин ўтказиб, шундан иккитасида ғалаба қозонди ва икки бор мағлуб бўлди. Натижада маҳаллий матбуот бельгиялик мураббийнинг истеъфосини талаб қила бошлади. 

Шундан сўнг Марк Вильмотс Эрон терма жамоасидаги келажаги хусусида ўз фикрини баён этди: "Мен кўплаб нотўғри маълумотларни ўқияпман. Ҳақиқат шуки, федерация менинг тарафимни олмаяпти ва шартнома бўйича мен ва ёрдамчиларимга ҳеч қандай амалий ёрдам кўрсатмаяпти". 

"Ҳозирги кунда адвокатларим бу иш билан машғул, шу боис кўп гапирмоқчи эмасман. Қийин вазиятда федерация мураббийлар томонида бўлиши керак деб ўйлайман, ҳозир эса гўёки ҳамма менга қаршидек". 

Эслатиб ўтамиз, Эрон саралаш ўйинларида Баҳрайн ва Ироқдан мағлуб бўлди. Маҳаллий ОАВ терма жамоа рулига Бранко Иванкович келишини жар солиш билан овора.