Виктор Жалилов: “Имкониятлар 50 / 50”
05 июн 2015 07:54
Янгиликлар

Виктор Жалилов: “Имкониятлар 50 / 50”

Ўзбекистон Кубоги 1/8 финал доирасидаги дастлабки ўйин "Шўртан" - "Пахтакор" (2:1) учрашувидан сўнг ташкил этилган матбуот анжуманининг иккинчи қисмида "Пахтакор" мураббийи Виктор Жалилов иштирок этди.

- Шароитлар иккала жамоа учун ҳам жуда қийин кечди. Об-ҳаво борасида ҳам, бир неча кун аввал Олий лига доирасида ўтказилган учрашувлар борасида ҳам. Шу сабаблими биринчи бўлимда “Шўртан”нинг ҳам жамоамизнинг ҳам ҳаракатларида теътиклик етишмаётганлиги сезилиб турди. Иккинчи бўлимга келиб ҳаво ҳам анча салқин бўлди, жамоалар ҳам аниқроқ ҳаракат қилишди. Иккала жамоа ҳам кескин ва ҳавфли вазиятлар яратишдилар. Аммо омад бугун кўпроқ мезбонларга кулиб боқди. Умуман учрашув натижаси ўйинга ҳос бўлди деб ўйлайман.

- Бугунги ғалабадан сўнг жамоалар имкониятларини қандай баҳолайсиз?

- Бу якуний ўйин эмас. Ушбу учрашувдан сўнг жамоалр имкониятлари 50 / 50 бўлиб қолди деб ўйлайман. Тўғри, жавоб учрашувида бизга ўз майдонимизда ўйнашимиз бироз ва баъзи футболчиларимизнинг ҳолати яхшиланиши ёрдам берар. Аммо аввалдан бир нима деб бўлмайди. Сабаби ўйин жадвали жуда ҳам зич. Фурсатдан фойдаланиб рақибларимизни бугунги ғaлаба билан табриклайман.

Ҳавола :

Манба : fcshurtan.uz

Янгиликларни Телеграмда ўқинг!

Рейтинг: