"Вест Хэм" футболчиси умрбод футболдан четлатилиши мумкин
05 июн 2024 00:28
Янгиликлар

"Вест Хэм" футболчиси умрбод футболдан четлатилиши мумкин

Англиянинг “Вест Хэм” клуби ва Бразилия терма жамоаси ярим ҳимоячиси Лукас Пакета пул тикиш қоидаларини бузганликда айбланмоқда.

Манбанинг хабар беришича, агар айби исботланса, 26 ёшли футболчи Англия Премьер-лигаси қоидаларига кўра, умрбод футболдан четлатилиши мумкин.

Пакета Англия Премьер-лигасининг тўртта жамоаси – 2022 йил “Лестер” ва 2023 йил “Астон Вилла”, “Лидс” ва “Борнмут” жамоаларига қарши ўйинларда қасддан қоидабузарлик содир этган.

Тахминан 60 киши ушбу ўйинларда 7 дан 400 фунт стерлинггача пул тикиб, натижада 100 000 фунт стерлинг ютиб олишган.

Қизиғи шундаки, шубҳали букмекерлик ўйинлари ҳақида биринчи бўлиб сигнал берган букмекерлик идораси "Вест Хэм" клубининг титул ҳомийси — "Betway" бўлган.

Қайд этиш керакки, Пакета 2022 йилдан бери “Вест Хэм” либосида тўп тепади. Жамоа 2023/2024 йилги мавсумни 52 очко билан 9-ўринда якунлади.

Ҳавола :

Манба : The Sun

Янгиликларни Телеграмда ўқинг!

Рейтинг: +1