Венесуэла бош мураббийи: "Жанубий Америка мамлакатларига омад тилайман"

"Бугун ғалати ўйин ўтказдик. Беллашувга Испанияга қарши ўйиндаги сингари режалар ишлаб чиққандик. Биринчи бўлимда рақиб тезкор ҳужумлар ташкил этди ва осонлик билан дарвозамизни кўп бора ишғол қилди. Шунга қарамай, илк таймда тенгма-тенг курашдик, бироқ кейинчалик назоратни буткул бой бердик. 

Нима бўлганда ҳам турнирдаги таассуротларимиз ижобий. Чорак финалга қадар етиб келдик ва келгусида бундан-да яхшироқ натижаларга эришишимиз мумкинлигини намоён этдик. Эндиликда ривожланишда давом этамиз.

Ушбу мундиалда Жанубий Америка жамоалари қойилмақом тарзда иштирок этмоқда. Парагвай, Бразилия ва Аргентинага омад тилайман, биз учун ҳам яхши турнир бўлди", деди Ромеро.

Эслатиб ўтамиз, Венесуэла терма жамоаси Ўзбекистондаги жаҳон чемпионатида ўз тарихидаги энг яхши натижани қайд этди.

Оқил Абдубарноев суҳбатлашди.