Ван Дейк: "Манчестер Сити" "Ливерпуль"га қараганда бироз яхшироқ ҳаракат қилди"
13 май 2019 21:45
Янгиликлар

Ван Дейк: "Манчестер Сити" "Ливерпуль"га қараганда бироз яхшироқ ҳаракат қилди"

"Ливерпуль" ҳимоячиси Виржил ван Дейк "Манчестер Сити"ни чемпионлик билан табриклади.

"Манчестер Сити" клубини ғалаба билан табриклайман. Улар бунга ҳақли эришди. Бу соврин учун ажойиб кураш кечди. Ҳар бир лаҳзасидан роҳатландим. Биз юқори даражали футбол кўрсатганимиз ва 97 очко тўплаганимиздан мағрурланишимиз лозим. Бошқаларнинг фикрига эътибор бермайман. "Манчестер Сити" бизга қараганда бироз яхшироқ ҳаракат қилди", - дейди ван Дейк.

"Ливерпуль" жорий мавсум маҳаллий совринларсиз қолди. Бироқ, мерсисайдликлар 1 июнь куни ЕЧЛ ғолиби бўлиш имкониятига эга. Бунинг учун улар Мадриднинг "Ванда Метрополитано" стадионида Почеттинонинг "Тоттенхэм" клубини мағлуб этиши керак.