"Валенсия" клуби бош директори ишдан бўшатилди

Клуб бош директори Матеу Алемани ўз лавозимидан озод қилинган. Шу муносабат билан "Валенсия" матбуот хизмати Алеманига клубга нисбатан улкан садоқати, жамоа ривожидаги саъй-ҳаракатлари ва барча ютуқлар учун миннатдорчилик билдирди.

Аввалроқ, Испания ОАВларида Алемани клуб хўжайини Питер Лим билан муросага келолмаётгани ҳақида хабарлар тарқалганди.

Эслатиб ўтамиз, "Валенсия" Матеу Алемани бошқаруви остида қаторасига 2 марта Испания чемпионатини кучли тўртликда якунлади.