Вадим Абрамов: "Ўйлашимча, ҳақли равишда ғалаба қозондик"
25 ноя 2020 19:17
Янгиликлар

Вадим Абрамов: "Ўйлашимча, ҳақли равишда ғалаба қозондик"

Суперлиганинг 24-туридан ўрин олган "Бунёдкор" - "Сўғдиёна" (1:0) учрашувидан кейин мезбонлар бош мураббийи Вадим Абрамов ўз фикрларини билдириб ўтди.

"Ўйлашимча, устунликка эришиб, ҳақли равишда ғалаба қозондик. Жиззах жамоаси қарши ҳужумда ўйнади ва кўпроқ стандарт вазиятларга эътибор қаратди. Ҳақли ғалаба учун жамоамиз футболчиларига раҳмат айтаман", – Вадим Абрамов.

Жамоа мавсум охирида сифатли ўйин кўрсатиб, яхши натижага эришмоқда. Мавсум ўрталарида бунинг аксини кузатган эдик...

Рақибга мослашган ҳолда қарши ҳужумлардан эҳтиёт бўлиб ўйнадик. Улар орқада қолиб, бизнинг хатоларимиз кутишди, шу сабабли ўйин шундай кўриниш олди. Футболчиларимиз тўп назоратини қўлга олишга ва шошмасликка уринишди.