Вадим Абрамов: "Жавоб ўйинида имкониятларимиздан фойдаланишга ҳаракат қиламиз"
12 авг 2015 21:46
Янгиликлар

Вадим Абрамов: "Жавоб ўйинида имкониятларимиздан фойдаланишга ҳаракат қиламиз"

"Насаф" - "Локомотив" (2:0) учрашувидан сўнг ташкил этилган матбуот анжуманининг биринчи қисмида "темирйўлчилар" бош мураббийи Вадим Абрамов иштирок этди.

"Ўйин ҳақида нима ҳам дердим. Ютқаздик. Олдимизда жавоб учрашуви бор. "Насаф" бугун яхши ўйнади ва ғалаба қозонди. Ҳали имкониятларимиз бор ва жавоб учрашувида биз охиригача курашамиз. Албатта, 2:0 жуда яхши ҳисоб. Лекин энди бошқа чорамиз йўқ. Жавоб баҳсида барча имкониятларни ишга соламиз", - деди Вадим Абрамов.

- Иккинчи бўлимда ҳужумчини эмас, ярим ҳимоячини майдонга туширдингиз. Қайдномада икки нафар ҳужумчи бор эди. Ҳужумчини майдонга туширмаганингизни сабаби нимада?
- Камчилик билан ҳаракат қилганимиз боис, олдинга боришга таваккал қилмадим. Акс ҳолда аниқ яна гол ўтказиб юборардик. Шунингдек, Лутфулла Тўраев бугун яхши ўйнай олмади. Шу боис ҳам вазиятдан келиб чиқиб, майдон марказини кучайтириш мақсадида ўрта чизиқ вакилини майдонга туширдим.

Ҳавола :

Манба : championat.asia

Янгиликларни Телеграмда ўқинг!

Рейтинг: +1