“УзДонгЖу” маҳаллий футболчиларни ортга қайтарди

Бош мураббий Нозим Муллаохунов жамоа сафини маҳаллий аммо сўнгги пайтларда бошқа клубларда ўйнаб келаётган ўйинчилар ҳисобига кучайтиришга харакат қилди. Хусусан “Косонсой”дан асли андижонлик бўлган тажрибали ҳужумчи Исроил Турсунов таклиф этилган. “Андижон”дан Акбар Ходжаев келиб қўшилди. Биринчи босқични “Зомин”да ўтказган пахтаободлик Нодир Тешабоев ҳам эндиги фаолиятини “УзДонгЖу”да давом эттирадиган бўлди. Шунингдек “Бунёдкор” ёшлар жамоасидан Муҳаммад Юсуф Абдумажидов ҳам таклиф этилган. Биринчи босқичда “бўёқчилар” шарафини ҳимоя қилган Хондамир Юлдашев эндиги фаолиятини “Андижон”да давом эттирадиган бўлди. Шунингдек у билан бирга иқтидорли ҳимоячи Дилмурод Маҳмудов ҳам вилоятнинг бош жамоасига кўчиб ўтганини айтиш лозим.

Эслатиб ўтамиз бугун Шўрбулоқ даҳасидаги сунъий қопламали майдонда кечадиган “УзДонгЖу” – “Орол” учрашуви 17:45да бошланади.