Уйқудан уйғонган жамоалар жанги
28 июн 2021 19:02
Янгиликлар

Уйқудан уйғонган жамоалар жанги

Теглар : Хорватия Испания

Бугун Евро-2020 нимчорак финалидан ўрин олган Испания — Хорватия баҳси бўлиб ўтади.

Хорватия

Педри - 20', Мислав Оршич - 85', Марио Пашалич - 90'

ЕВРО - финал . 1/8-тур

28/06/2021, 21:00

Finished AET

Испания

Пабло Сарабия - 38', Сесар Аспиликуэта - 57', Ферран Торрес - 77', Альваро Мората - 100', Микель Ойарсабаль - 103'

Стадион: Parken, 22771 томошабин

Бош ҳакам: Кунейт Чакыр

45'

90'

120'

Матч-центрда очиш

Хорватия — Испания ўзаро 8 марта тўқнаш келган. Шулардан 3 тасида "шахматчилар" ғалаба қозонган бўлса, 4 баҳсда "қизил фурия"нинг қўли баланд келган. Бир учрашувда эса томонлар муроса кўчашини танлашди. Тўплар нисбати — 9:15, испанлар фойдасига.

Икки жамоа ўртасидаги учрашувлар тарихи узоққа чўзилмаслигининг сабаби сифатида Хорватия XX асрнинг 90-йилларидагина мустақиллини қўлга киритганини айтиш мумкин.

Ушбу рақиблар ўртасидаги дастлабки тўртта ўйин ўртоқлик мақомида ўтди. 2012 йилги Европа чемпионати гуруҳ босқичининг сўнгги турида Наваснинг 88-дақиқада урган голи испанларга ғалаба келтирди ва испанларни гуруҳдан чиқишни таъминлади. Натижада улар ўша турнирда ғалаба қозонди, хорватлар эса плей-офф босқичидан четда қолди.

Тўрт йил ўтгач, худди шундай ҳолат Франция яшил майдонларида юз берди. Яна сўнгги турда, яна ўйин якунида гол. Аммо бу сафар Перишич Хорватиянинг 2:1 ҳисобидаги ғалабасини таъминлади, лекин иккала жамоа ҳам 1/8 финалга йўл ола билди.

2018 йил 11 сентябр куни Эльчеда испанлар хорватларни 6:0 ҳисобида "янчиб ташлади". Икки ойдан сўнг хорватиялик ҳимоячи Тина Жедваянинг дубли хорватларга 3:2 ҳисобидаги ғалабани тақдим этди.

Испания турнирнинг энг яхши прессинг ташкил қиладиган жамоаси ҳисобланади. Тўпни рақибдан тезда қайтариб олади.

Испанлар тўпни эгаллаб туришда катта устунликка эга бўлишади. Швеция ва Польша билан ўйинларда жамоа ғалаба учун етарлича имкониятлар яратди, аммо сўнгги зарбани йўллаш муваффақиятсиз тугади. Словакия билан баҳсда нохуш анъана бузилди. Бускетснинг қайтиши ҳам катта роль ўйнади.

Гуруҳ босқичида хорват мухлисларининг ҳафсаласи пир бўлди — доимий оптимал схема қидириш, ақл билан ўйнайдиган ҳужумчининг етишмаслиги, саноқли даражада кескинлик ярата олиш ҳамда инглизлар билан зерикарли ўйин.

Худди Испания сингари хорватлар ҳам сўнгги турда муаммоларини бартараф этиб, Шотландияни мағлуб этди. Модрич ва Перишич яхши формада, аммо бу хорватларга етарли бўлмаслиги мумкин.