Урганчда хотира турнири ўтказилди
03 янв 2015 19:35
Янгиликлар
Урганчда хотира турнири ўтказилди
Ўтганлар хотирасини ёдлаб, уларнинг руҳини шод этиш халқимизнинг азалий эъзозли анъаналари сирасига киради.
Албатта, Урганч шаҳрида 2001-2002 йилларда туғилган ўсмирлар ўртасида Мирзабек Абдуллаевнинг хотирасига бағишлаб уюштирилган навбатдаги турнир шулар сирасидандир.
У ҳаёт даврида Хоразм вилояти халқ таълими бошқармасига қарашли 2-сон болалар ва ўсмирлар спорт мактабида 10 йил мобайнида ёшларга “чарм тўп” ўйини сир-асрорларини ўргатиб келди. Кутилмаган касаллик уни икки йил муқаддам ёруғ оламдан олиб кетди. М. Абдуллаев ҳаёт бўлганида 3 январь куни ўзининг 30 ёшини нишонлаган бўлар эди…
Айнан, шу куни унга ҳурмат ва эҳтиром рамзи сифатида Хоразм вилояти футбол федерацияси, вилоят “Ёшлик” жисмоний тарбия ва спорт жамияти, 2-сон БЎСМ раҳбарияти ташаббуси билан ўсмирлар ўртасида илк бор мини футбол бўйича хотира турнири ташкил этилди. Унда ваҳанинг Урганч шаҳри, Гурлан ва Урганч туманларидан ташриф буюрган 11 та жамоа иштирок қилди.
Якуний натижаларга кўра, вилоят марказидаги Наврўз шаҳарчасининг “Наврўз” жамоаси (мураббийи Отабек Абдуллаев) турнир ғолиби бўлди. Иккинчи поғонага урганчнинг “Локомотив-БФК” мини футболчилари жойлашишди. Фахрли учинчи ўринга 2-сон болалар ва ўсмирлар спорт мактабининг “Дўстлик” ва “Жайҳун” жамоалари лойиқ кўрилди.
Мусобақанинг ёпилиш маросимига ташкилотчилар, Мирза Абдуллаевнинг ҳамкасблари, дўстлари ва оила аъзолари жам бўлишди. Ўз навбатида совринли ўринларни эгаллаган жамоалар диплом ва совғалар билан тақдирланишди.
Икром ХУДОЙБЕРГАНОВ.
У ҳаёт даврида Хоразм вилояти халқ таълими бошқармасига қарашли 2-сон болалар ва ўсмирлар спорт мактабида 10 йил мобайнида ёшларга “чарм тўп” ўйини сир-асрорларини ўргатиб келди. Кутилмаган касаллик уни икки йил муқаддам ёруғ оламдан олиб кетди. М. Абдуллаев ҳаёт бўлганида 3 январь куни ўзининг 30 ёшини нишонлаган бўлар эди…
Айнан, шу куни унга ҳурмат ва эҳтиром рамзи сифатида Хоразм вилояти футбол федерацияси, вилоят “Ёшлик” жисмоний тарбия ва спорт жамияти, 2-сон БЎСМ раҳбарияти ташаббуси билан ўсмирлар ўртасида илк бор мини футбол бўйича хотира турнири ташкил этилди. Унда ваҳанинг Урганч шаҳри, Гурлан ва Урганч туманларидан ташриф буюрган 11 та жамоа иштирок қилди.
Якуний натижаларга кўра, вилоят марказидаги Наврўз шаҳарчасининг “Наврўз” жамоаси (мураббийи Отабек Абдуллаев) турнир ғолиби бўлди. Иккинчи поғонага урганчнинг “Локомотив-БФК” мини футболчилари жойлашишди. Фахрли учинчи ўринга 2-сон болалар ва ўсмирлар спорт мактабининг “Дўстлик” ва “Жайҳун” жамоалари лойиқ кўрилди.
Мусобақанинг ёпилиш маросимига ташкилотчилар, Мирза Абдуллаевнинг ҳамкасблари, дўстлари ва оила аъзолари жам бўлишди. Ўз навбатида совринли ўринларни эгаллаган жамоалар диплом ва совғалар билан тақдирланишди.
Икром ХУДОЙБЕРГАНОВ.
championat.asia
ЛаЛига. "Атлетико" дербида "Реал" дарвозасига 5та гол уриб, йирик ғалаба қайд этди
Ўзбекистон Кубоги. "Пахтакор" пенальтилар сериясида "Динамо"ни ютиб, Ўзбекистон Кубогининг навбатдаги финалчисига айланди
Суперлига. "Насаф" "Хоразм" устидан иродали ғалабага эришди
"Бухоро" супергол эвазига Ўзбекистон Кубоги финалига чиқди!
Фикрлар