Унаи Эмери келажаги борасида қарор қабул қилди
03 ноя 2021 21:36
Янгиликлар

Унаи Эмери келажаги борасида қарор қабул қилди

"Вильярреал" бош мураббийи Унаи Эмери клубда қолишини малум қилди.

Олдинроқ испаниялик мутахассисга "Ньюкасл" қизиқиш билдираётгани маълум бўлганди.

"Мен шу ерда қолишга қарор қилдим. "Вильярреал" менинг уйим ва мен жамоага 100% ишонаман. Менга топ-клуб қизиқиш билдираётганидан хурсандман, лекин ҳозирда шу ерда бахтлиман. Шунинг учун Фернандо Роигга ("Вильярреал" президенти) қолишимни айтдим.
Ушбу жамоанинг бир бўлаги бўлишни хоҳлайман, чунки клуб ва футболчилар мени жуда ҳурмат қилишади", - дейди Эмери.

Эслатиб ўтамиз, 50 ёшли мураббий 2020 йилдан буён "Вильярреал"ни бошқаради. Жамоа ўтган мавсумда Европа лигасида ғолиб чиқди, бу клубнинг тарихдаги илк соврини ҳисобланади.

Ҳавола :

Манба : twitter.com/UnaiEmery_

Янгиликларни Телеграмда ўқинг!

Рейтинг: +8