Уммон бош мураббийи: "Ўзбекистон жуда ёш ва кучли терма жамоа"
05 май 2018 15:10
Янгиликлар

Уммон бош мураббийи: "Ўзбекистон жуда ёш ва кучли терма жамоа"

Уммон терма жамоаси бош мураббийи Пим Вербек Осиё кубоги-2019га қуръа ташлангач ўз фикрларини билдирди.

"Япония Осиё кубогидаги энг омадли терма жамоалардан бири. Ажойиб жамоа, кучли футболчилар, балки Осиёнинг энг кучлиларидан бири.

Шундай экан уларга қарши баҳс қизиқарли бўлади. Ўзбекистон жуда ёш ва кучли терма жамоа, улар U23 Осиё чемпионатида ғолиб бўлишди. Таркибида қобилиятли футболчилар жуда кўп. Марказий Осиё терма жамоалари жисмонан кучли. Лекин тан оламан Туркманистон терма жамоаси ҳақида ҳеч қандай маълумотга эга эмасман", - дейди Уммон терма жамоаси бош мураббийи Пим Вербек ОФК расмий сайтига.