UZ

Сўнгги янгиликлар

22:55Шерзод Насруллаев: "Бу ҳали бошланиши, бундай ғалабалар кўпроқ бўлишига ҳаракат қиламиз"  1 22:24Ҳусайн Норчаев: "Совринни ота-онамга бағишлайман"  2 21:55Иско финал олдидан қандай фикрда?  0 21:38"Насаф" - 2025 йилги Ўзбекистон Суперкубоги соҳиби!  215 20:51Симоне Инзаги "Олтин тўп"ни ким олиши кераклигини айтди  8 20:29"Барселона" Шенсни бўйича қарор қабул қилди  2 19:52Хаби Алонсонинг "Реал" бош мураббийи этиб тайинланганидан кейинги илк фикрлари  6 19:25"Милан" янги спорт директорини тайинлади. Жамоани қайта тиклаш учун ким жавобгар бўлади?  7 19:02Дониёр Саидов: "Тажрибали мураббийларнинг тактик курашига гувоҳ бўламиз"  0 18:49Ўзбекистон Суперкубоги. "Насаф" – "Андижон". Таркиблар маълум  14 18:37"Насаф"нинг Суперкубок баҳси учун "Бунёдкор"га етиб келишидан суратлар  1 18:28"Андижон"нинг Суперкубок учрашуви учун стадионга етиб келишидан суратлар  9 18:16Асрор Алиқулов: "Биринчи бўлимда бизга иккинчи бўлимдаги каби шижоат етишмади"  0 18:00БАА - Ўзбекистон учрашувини катта экранда томоша қилишни истаганлар диққатига!   12 17:54Ўзбекистон Суперкубоги-2025. "Бунёдкор" стадиони учрашувга шай ҳолатда  2

Умид Аҳмаджонов Япония Миллий олимпия қўмитаси Президенти билан учрашди Янгиликлар

Умид Аҳмаджонов Япония Миллий олимпия қўмитаси Президенти билан учрашди

Хабар бериб ўтганимиздек, бир неча кун олдин Ўзбекистон Миллий олимпия қўмитаси Президенти Умид Аҳмаджонов Японияга жўнаб кетганди.


МОҚ раҳбари у ерда учрашувлар ўтказиб, бир қатор келишувларга эришгани ҳақида хам маълум қилгандик. Ана шундай учрашувларнинг навбатдагиси бугун, 7 июнь куни Япония Миллий олимпия қўмитаси Президенти Цунеказу Такеда билан ташкил қилинди. Учрашув давомида Япония МОҚ раҳбарига вице-президент Ясуо Саито  хамроҳлик қилди.

Учрашувда томонлар ҳамкорлик ришталарини янада ривожлантириш, уларни янги босқичга олиб чиқиш бўйича музокаралар олиб боришди. Сир эмаски, дзюдо ҳамда каратэ каби Олимпия спорт турларида Япония терма жамоалари жаҳонда етакчилардан ҳисобланишади. Миллий Олимпия қўмитаси раҳбари ўзбекистонлик спортчиларнинг Японияда малака оширишларини сўраб, Цунеказу Такедага мурожаат қилди.

"Дзюдо ва каратэ бўйича Япония жаҳонда етакчи мамлакатлар сирасига киради. Шунингдек, Токиода жаҳонга машҳур "Кодокан" дзюдо маркази ҳам жойлашган. Биз ўзбекистонлик спортчиларни айнан шу ерда ўз малакаларини ошириб, маҳоратларини янада тоблаб олишларида амалий ёрдам кўрсатишингизни сўрардик. Ўйлайманки бу ҳамкорлик ҳар икки томон учун фойдали бўлади ", - деди учрашув давомида Умид Аҳмаджонов.

Ўз навбатида Япония МОҚ Президенти  Цунеказу Такеда бунга жавобан Ўзбекистондан ҳам спортнинг бокс, дзюдо, спорт курашлари ва оғир атлетика бўйича ўрганадиган жиҳатлар етарли эканлиги, ҳамкорлик қилишдан Япония томони ҳам манфаатдор эканлигини таъкидлаб ўтди.


Музокаралар давомида Япония Миллий олимпия қўмитаси билан жамоавий спорт турлари ҳамда стол тенниси бўйича ҳамкорлик қилишга ҳам келишиб олинди. Келишувга кўра, япониялик мутахассислар мамлакатимизда ушбу спорт турларини ривожлантириш лойиҳасида фаол иштирок этадилар. Шунингдек, ҳамкорлик мураббийлар тайёрлаш, қайта тайёрлаш ва малакасини ошириш, ҳамкорликда ўқув-машғулот йиғинларини ташкил этиш каби масалаларни ҳам қамраб олади.

Маълумот учун, Умид Аҳмаджонов 9 июнь куни Токиодан тўғри Москва шаҳрига учади. Россия пойтахтида FIFA Конгрессида иштирок этиб, футбол бўйича жаҳон чемпионатининг очилиш ўйини – Россия-Саудия Арабистони терма жамоалари ўртасидаги учрашувни “Лужники” стадионининг мартабали меҳмонлар ложасидан кузатиб боради.

Рейтинг: +1   

Фикрлар

championat.asia
< сўнгги янгиликларни кўриш
Яндекс.Метрика