Умид Аҳмаджонов Куала-Лумпурда Жанни Инфантино билан учрашди
06 апр 2019 08:42
Янгиликлар

Умид Аҳмаджонов Куала-Лумпурда Жанни Инфантино билан учрашди

Теглар : Умид Аҳмаджонов Жанни Инфантино

ОФК штаб-квартираси жойлашган Малайзиянинг Куала-Лумпур шаҳрида ташкилотнинг навбатдаги Конгресси ўз ишини бошлади.

Бугунги кун тартибига ОФКга 2019-2023 йиллар учун янги раҳбар сайлаш масаласи қўйилган.

Мазкур тадбирда иштирок этаётган Ўзбекистон Миллий олимпия қўмитаси президенти, Ўзбекистон футбол ассоциацияси биринчи вице-президенти Умид Аҳмаджонов бугун ФИФА президенти Жанни Инфантино билан учрашди. Унда МОҚ президенти швейцариялик мутахассис билан ўзбек футболининг келажаги хусусида ўзига хос суҳбат олиб борди.

Шунингдек, Умид Аҳмаджонов ушбу Конгрессда бир қатор футбол федерациялари раҳбарлари билан ҳам учрашиб, ўзаро ҳамкорлик алоқаларини кучайтириш борасида фикр алмашди.

Эслатиб ўтамиз, ОФКнинг бугунги Конгрессида, шунингдек, ташкилот вице-президентлигига, ФИФА консуллигига, ОФК эркаклар ва аёлар ижроқўмига ҳам сайловлар бўлиб ўтиши белгиланган.