Умарали Раҳмоналиев: "Навбаҳор"га гол уришни мақсад қилгандим"
02 фев 2023 15:17
Янгиликлар

Умарали Раҳмоналиев: "Навбаҳор"га гол уришни мақсад қилгандим"

"Рубин" - "Навбаҳор" (6:0) назорат учрашувидан кейин Қозон клубининг ўзбекистонлик ярим ҳимоячиси Умарали Раҳмоналиев қисқа интервью берди.

- Жуда қувноқ ўйин бўлди. "Навбаҳор" биз кутгандек ўйнади, бунга тайёр эдик. Албатта ҳисоб бунчалик йирик бўлишини кутмагандик, бироқ бундан хурсандмиз. Яхши ўйин кўрсатдик деб ўйлайман. Бундан ташқари рақиб ҳам ўзининг энг яхши ўйинини кўрсатди деб ўйламайман. Ҳар ҳолда Ўзбекистон вице-чемпиони, Ўзбекистон чемпионати яхши даражада. Бу ўйинда гол уришни жуда хоҳлагандим. Ўзбекистон клубига қарши ўйнаганимиз боис баҳсга жиддий тайёрландим. Имконият беришди ва гол урдим. Учрашувдан олдин гол уришни мақсад қилгандим".

- Ҳамюртингиз Рустам Ашурматовнинг ўйинига қандай баҳо берасиз?
- У яхши футбол кўрсатди, ўйлашимча у ҳам собиқ клубига қарши баҳсга руҳан тайёрланди. Якуний баҳони бош мураббий беради, - деди футболчи "Рубин" матбуот хизматига.