Улуғбек Ҳошимов: "Буларни таърифлаб бера олмайман. Мухлисларнинг стадионда бўлишидан эса доимо хурсанд бўламиз"

Ўйиндан сўнг терма жамоамиз аъзоси Улуғбек Ҳошимов championat.asia муҳбири саволларига жавоб қайтарди.

"Барча кўрди, ўйин қийин ўтди. Бизнинг мақсадимиз - чемпионлик. Буни ёдимиздан чиқармасликка ҳаракат қилдик. Мана, пешонамизга ғалаба ёзилган экан, финалга чиқдик. Буни сўз билан таърифлаб бера олмайман. Кутиб олинганимиздан тортиб, ғалабадан кейинги хурсандчиликкача... Барчага раҳмат айтмоқчиман - мухлисларга, сиз журналистларга, жамоадошларимга, яратилган шароитлар учун раҳбариятга. 

- Япония хавфли рақиб эди. Ўйиндан олдин қўрқув бўлмадими? 

- Биринчи навбатда мухлисларнинг ўйинга кирмаслигини эшитиб, шуни ўйладим. Бизнинг мақсадимиз бор эди. Мухлислар кириш-кирмаслигидан қатъи назар ғалаба қозонишимиз лозим эди. Япония кучли терма жамоа. 

- Ташқарида 15 минг киши йиғилди. Ўйин пайтида уларнинг овози эшитилдими? 

- Стадионга у қадар эшитилмади, лекин буни билдик. Уларнинг қўллаб-қувватлашларини ҳис қилдик. Финалда стадион тўлиши аниқ. Мухлислар келишидан доимо хурсанд бўлганмиз. Уларнинг қўллаши бизга мотивация беради. Улар стадионда бўлишса, биз жуда хурсанд бўламиз", - деди Улуғбек Ҳошимов. 

Узбекистан (до23)

Молодежный чемпионат. (до 23). Плей-офф . Semi Finals-тур 15/06/2022, 21:00 0 : 2 Тугади

Япония (до23)

45'

90'

Матч-центрда очиш