UZ

Сўнгги янгиликлар

14:41Эрик Кантона Исроилни ФИФА ва УЕФАдан четлаштиришга чақирмоқда  0 14:14Кристенсен "Барселона"даги келажаги ҳақидаги саволга жавоб берди  0 13:45Роналду паделга 5 миллион евро сармоя киритди  0 13:18"Қайрат"нинг 18 ёшли посбони Касильясни ортда қолдирди  0 12:50Моуринью "Бенфика" қароргоҳига қора Ferrari'да келди  2 12:22Симон Миньоле Чемпионлар Лигаси тарихига кирди  1 11:53Мессининг "Интер Майами"даги келажаги маълум  0 11:25Футзал бўйича Осиё Кубоги-2026 саралаш мусобақаси олдидан митинг бўлиб ўтди  0 10:52Мбаппе "Олтин тўп" топшириш маросимига бориши ҳақидаги саволга жавоб берди  9 10:28МЮ қишда Португалия термаси аъзосини сотиб олмоқчи  3 10:00Сергей Чигодаев: "Биринчи бўлимда футболчиларимиз бироз ҳаяжонланишди"  6 09:33Гвардиола кечаги ғалабадан сўнг нималар деди?  7 09:13"Ливерпуль" 19 ёшли футболчисини 25 миллионга сотди  4 09:02EЧЛ. Ҳафта футболчисига кимлар номзод?  10 08:30Суперлига. Бугун 2 та учрашув бўлиб ўтади  8

Улуғбек Бакаев: "Кейинги ўйинларда очиқроқ ва агрессивроқ бўлишга ҳаракат қиламиз" Янгиликлар

Улуғбек Бакаев: "Кейинги ўйинларда очиқроқ ва агрессивроқ бўлишга ҳаракат қиламиз"

Суперлиганинг 2-тури доирасида "Қизилқум" мағлуб қилинганидан кейин "Бухоро" бош мураббийи Улуғбек Бакаев матбуот анжуманида қатнашди.


- Биринчи ўйиндан кейин йигитларда руҳан чўкиш бўлди. Шу сабабли бугунги ўйинда ғалаба қозонишимиз керак эди. Ўйин биз учун яхши бошланди. Кетма-кет вазиятлар яратдик, тезкор гол уриб олдик. Кейинчалик яна бир-икки вазиятлар бўлди. Вазиятлар голга айланмаганидан кейин биз ҳимояга эътибор беришни бошладик. Иккинчи бўлимда ҳам чуқур ҳимоялана олдик. Иккинчи гол бизни хотиржам қилди. Починни очиб олдик, бу уч очко билан барча футболчиларимни табриклайман ва ҳеч кимга эътибор билдиришни истамайман. Улар бугун ўзларини ўйинга баҳш қила олишди. Ғалаба билан табриклайман ва энди кейинги учрашувларни ўйлашни бошлаймиз.

- Мавсумдаги илк ғалаба билан табриклайман. Ўзингиз айтганингиздек, бугун жамоа натижа учун ўйнади. Иккинчи гол эса ўйинни ўлдирди. Бугун ҳам жамоа ўтган сафаргидек ҳужумкор ўйнаса бўлармиди?

- Буларнинг барчаси руҳият билан боғлиқ. Кўрган бўлсангиз, бугун дарвозабонимиз уч-тўрт хатога йўл қўйди ва бу голга олиб келиши мумкин эди. Йигитлар ўйинни олиб чиқиб кета олишди. Биринчи ўйинда 90+4-дақиқада гол ўтказганимиздан кейин йигитларда пасайиш бўлганди. Кўп нарса шунга боғлиқ. Кейинги ўйинларда бундай ҳолатлар бўлмаслигига умид қиламан. Шу орқали бошқачароқ футбол ўйнаймиз, очиқроқ, агрессивроқ бўлишга ҳаракат қиламиз.

- Бугунги майдоннинг ҳолатига қандай баҳо берасиз?

- Майдон ҳақида нимадир дейиш қийин. Чунки бу майдонда мен футбол ўйнамадим. Ушбу майдонда иккала жамоа ҳам футбол ўйнади, демак, жамоаларда шароитлар бир хил эди. 

- Бугунги ўйинда захирадан майдонга тушган футболчилар ўйинни кучайтира олдими.

- Ушбу футболчилар аслида асосий таркиб аъзолари ҳисобланишади. У бунгача терма жамоа ихтиёрида бўлиб турганди. Икки ҳафта давомида биз билан бўлмагани учун машғулотлар давомида ўсишга эришмоқда. Бугун у захирадан тушиб, гол урди. Гап йўқ. Уни олқишлайман.

- Бугунги ўйинда ўтган сафаргисига қараганда ҳимояда ўзгариш бўлди. Бу 90+4-дақиқада ўтказиб юборилган гол билан боғлиқми?

- Бу ерда футболчининг хатолари кузатилди. Шу сабабли у билан гаплашдик ва бугун уни захирада қолдирдик. Бу қарор тўғри бўлганини натижада кўрдик.

Рейтинг: +1   

Фикрлар

championat.asia
< сўнгги янгиликларни кўриш
Яндекс.Метрика