UZ

Сўнгги янгиликлар

13:50Coca Cola Суперлига. "Сурхон" - "Бухоро". Асосий таркиблар маълум  0 13:28Coca Cola Суперлига. "Қўқон-1912" - "Локомотив". Асосий таркиблар маълум  4 13:27Про лига. "Хоразм" ўз майдонида "Истиқлол"ни ишончли ҳисобда мағлуб этди   5 13:20"Милан" "Челси" футболчисини нишонга олди  3 13:00Coca Cola Суперлига. "Насаф" - "Пахтакор". 1:0 (Матнли трансляция)  92 12:44Карикатура: Гризманн ва Брэйтуэйт  1 12:15ЕЧЛ. Бугунги ўйинлар учун тахминий таркиблар билан танишинг  5 11:50"Тоттенхэм" Диопни харид қилиш фикридан қайтиши мумкин  0 11:25Golden Boy'нинг сўнгги 10 ғолиби ва уларнинг ўша пайтдаги нархлари  8 11:00"Арсенал" қишда "Милан" ўйинчиси билан шартнома имзолашга ҳаракат қилиб кўради  4 10:37"Интер" Хандановичга ўринбосар изламоқда  3 10:14Омар Моманидан карикатура. Гризманн: "Сочимни олдир десалар ҳам олдирмайман. Хотиним ва болаларим шуни хоҳлашади"  10 10:00Olamsport: 45 кг вазн ташлаган Тайсон, Тошкентда ўтган пойга ва бошқа хабарлар  1 09:50Каземиро: “Ҳаммаси ҳозирча ўзимизга боғлиқ”   0 09:31Зидан: “Иско — бизнинг футболчимиз, аммо...”   3

Уларга нимадир бўлдими? Анчадан бери Суперлигага қўйилмаётган ҳакамлар Янгиликлар

Уларга нимадир бўлдими? Анчадан бери Суперлигага қўйилмаётган ҳакамлар

Ўзбек футболида жамоалар, футболчилар, мураббийлар қатори ҳакамлар фаолиятини ҳам кузатиб боришга ҳаракат қиламиз.

Охирги пайтларда 12 ноябрь куни ЎФАда ҳакамлар борасида катта йиғилиш бўлгани бот-бот тилга олиняпти. Йиғилиш бўлиб ўтганидан ва унинг ёпиқ кечганидан хабаримиз бор, бу ҳақда кўпчилик айтиб ҳам бўлди. Лекин айнан нималар бўлгани ҳақида маълумот олишга қийналяпмиз. Бугунги ошкоралик замонида мажлисларнинг ёпиқ тарзда ўтиши бироз ғалатидек кўринмаяптими, ҳатто ҳокимлар ҳам бемалол очиқ мулоқот қиладиган кунлар келган бир пайтда. 

Майли, бу бошқа масала. Бизни қизиқтираётган мавзу бошқа. Эътибор берган бўлсангиз, негадир баъзи ҳакамлар анчадан бери Суперлигада кўринмай қолди. Уларга нимадир бўлдими, мазаси жойидами, тест яхши чиқмадими ёки четлатилдими - бир нима дейиш қийин. Чунки ҳеч ким бу ҳақда расмий маълумот бераётгани йўқ. 

Яна бир гапни эшитдикки, 12 ноябрдаги йиғилишдан сўнг Ҳакамлар қўмитаси раҳбари Арслон Ҳотамов ўз лавозимидан бўшатилибди. Аслида-ку у кишининг қачон тайинланганидан бехабар қолиб кетгандик. ЎФА Бекзод Арипов қўмитага раҳбар бўлгани ҳақида хабар чоп этгани ёдимизда. Лекин шундан сўнг ҳеч нарса ёзмади. Бекзод Арипов кетиб, ўрнига Арслон Ҳотамов келгани ҳақида ҳам лом-мим дейилмади. Ҳозир қўмитани ким бошқаряпти, буни ҳам билмаймиз.

Вақти келса албатта бу савол ҳам ўз жавобини топади. Ҳозирча ўйинларга қўйилмаётган ҳакамларга тўхталиб ўтамиз. Баъзи ҳакамлар анчадан бери Суперлигада кўринмай қолишди. Булар - Шерзод Қосимов, Жасур Мухторов, Темур Тўхтасинов, Рустам Лутфуллин ва Асиз Асимов. 


Шерзод Қосимов - охирги марта 19-турда ишлаган

Шерзод Қосимов охирги марта 19-турдан ўрин олган "Машъал" - АГМК учрашувини бошқарганди. Ўша баҳсда АГМК 2:0 ҳисобида ғалаба қозонган. Шундан бери тўртта тур ўтди ҳамки, Қосимов биронта беллашувга тайинлангани йўқ. Бу ҳакам 21-турнинг "Бухоро" - "Сўғдиёна" баҳсида ишлаши керак эди, аммо ўрнига Аҳрол Рисқуллаев тайинлангани ёдимизда. Ўшанда Ҳакамлар қўмитаси раҳбари Арслон Ҳотамовга мурожаат қилганимизда, "Шерзод касал бўлиб қолди, ҳаммамиз иссиқ жонмиз" деб жавоб берганди.


Жасур Мухторов - охирги марта 20-турда ишлаган

Ёш ҳакамлардан бири Жасур Мухторов ҳам мана уч турдирки ўйинларга қўйилмаяпти. У охирги марта 20-турдан ўрин олган "Машъал" - "Қўқон-1912" учрашувида ишлаган. Бу баҳсда қўқонликлар 2:1 ҳисобида ғалаба қозонган. Қизиқ, негадир бу ҳакам ҳам "Машъал" иштирокидаги баҳсни бошқарганидан сўнг кўринмай қолди.


Темур Тўхтасинов - охирги марта 20-турда ишлаган

Андижонлик ҳакам Темур Тўхтасинов охирги 3 турдан бери тайинланмади. Бу ҳакам Суперлигада сўнгги бор "Сурхон" - "Пахтакор" беллашувини бошқарган ва мазкур баҳс "Пахтакор"нинг 6:0 ҳисобдаги ғалабаси билан якун топган.


Рустам Лутфуллин - охирги марта 17-турда ишлаган

Рустам Лутфуллин ҳали ёш, калласи ҳам жойида. У таниқли собиқ ҳакам Ноил Лутфуллиннинг ўғли. Лекин шу бола 17-турдан бери кўринмай қолди. Рустам охирги марта 17-турнинг АГМК - "Қизилқум" баҳсида ишлаган экан. Эсингизда бўлса, бу ўйинда "Қизилқум" футболчиси Эркин Бойдуллаев четлатилган, АГМК эса 2:1 ҳисобида ғалаба қозонганди. Ўйиндан кейин "Қизилқум" бош менежери Ҳамиджон Актамов "Биринчи таймда футбол ўйнадик, иккинчи тайм цирк бўлди" деганди.


Азиз Асимов - охирги марта 8-турда ишлаган

Азиз Асимов ОФК ҳакамларидан бири ҳисобланади. У бир неча бор ОЧЛ баҳсларини бошқарган. Лекин бу ҳакам 8-турдан бери ўйинларга қўйилмаяпти. У охирги марта "Насаф" - "Металлург" баҳсини бошқарган ва бунда "Насаф" 1:0 ҳисобида зафар қучган. Шундан бери 15та тур ўтибдики, унинг бирорта беллашувга қўйилмагани ғалати.

Рейтинг: +16   

Фикрлар

+12   
21 ноя 13:18:59
#SergioRamos4
Daryo.uz da xabar chiqdiku Futbol boyicha superliga hakamlarining bir nechtasi korrupsiyada ayblanib tegishli organlar tomonidan tergov surishtiriruv ishlari olib borilmoqda degan ,.
+6   
21 ноя 13:13:00
Кевин Де Брюйне
Азиз Асимов нахотки нахотки, ало милиция
+4   
21 ноя 14:02:55
#SergioRamos4
Zokir Qodirov , ilgiz tantashevlarni ham bir umrga haydash kerak futboldan
+4   
21 ноя 13:23:15
CH E L S E A
Korrupsiyonerlar...
+3   
21 ноя 13:39:48
Olg'a
Futbol taymdagi intervyu juda qiziq chiqibdi xakamlar borasida gap borgan. https://youtu.be/hvrJAZbeyX4
+3   
21 ноя 13:39:03
Jamshid Musaboev
Хаммасини камаш керак. Нафакат хакамларни балки УФА ни тула тукис текшириш керак. УФА да хам коррупция ачиб ётибди. Терма жамоага уйинчиларни келиши хам жуда катта коррупция. Абрамов соккани килиб ётибди.
+3   
21 ноя 13:36:34
Olg'a
Kuch adolatdadir. Futbolda xaqiqat bo'lsa adolat bo'lsa ana o'shanda natija bo'ladi.
+3   
21 ноя 13:32:31
Граф Монтo Kpиcтo
Асимов, Тухтасинов футболдан чикан касоблар (уйин суеш буйича). Буларни давно хайдаш керак эди. Колгани хам шу.
+3   
21 ноя 13:27:08
БИРОДАР АБДУРАИМОВ
Адашмасам,Кубокни қуръа
ташлаш маросимида,Д.Имомхўжаев ҳакамлар борасидаги саволга жавоб берар экан,ҳакамликда катта ижобий ўзгаришлар бўлишини айтиб ўтган эди.Агарда ушбу ҳакамларни ҳақиқатдан қинғир ишлари бўлса, уларга албатта жазо муқаррар!Зеро,ушбу жазо бошқа ҳакамларга катта сабоқ бўлади ва ўйлайманки,улар тўғри хулоса қилган ҳолда, ҳар бир учрашувни холисона бошқаришади деган умиддаман!!!
+3   
21 ноя 13:24:27
Xushnudjan
Суперлиганинг бир неча нафар ҳаками коррупцияда гумон қилинмоқда
Ўзбекистон миллий чемпионатларида фаолият олиб бораётган бир неча нафар ҳакамлар коррупцияга гумонланиб, сўроқ қилинмоқда. Tribuna.uz сайти манбасига кўра, Ўзбекистон Суперлигаси учрашувларида фаолият олиб бораётган бир қатор бош ҳакамлар Суперлига ўйинлари натижасига атайин таъсир кўрсатиш, учрашув олдидан клуб вакиллари билан алоқага чиқиб, ўйинда жамоага ёрдам бериш масаласида келишиш, пора олиш каби қинғир ишларга қўл уришда гумон қилинмоқда.

Вазиятдан хабардор манбанинг айтишича, бир неча йилдан буён Суперлига ўйинларини бошқариб келаётган ва тамагирликда гумон қилинган ҳакамлар ва шахслар сўнгги икки йил давомида ҳуқуқ-тартибот идоралари томонидан кузатиб келинган. Тўпланган далил ва исботлар асосида гумондорлар сўроқ қилинмоқда.

Маълумот учун, Профессионал футбол лигаси томонидан ўтказиладиган миллий чемпионат ва кубок ўйинларига Ўзбекистон футбол ассоциацияси қошидаги Ҳакамлар департаменти томонидан ҳакам ва назоратчилар тайинланади.

Текширувлар якунига етгач, бу ҳақда тўлиқ расмий маълумотлар берилиши кутилмоқда.
+2   
21 ноя 17:23:29
Nematjon
агар шерзод косимов тергов килишса камалса яхши буларди навбахорга роса кингирликлар килганди
+2   
21 ноя 14:46:54
azamlawer
Тергов бошланганку
+2   
21 ноя 14:16:54
Марфуша, Ғам-ғуссага не ҳожат)
Пастда ёзганларимни шулардан битта-иккитасига яхшилаб ўқитиш керак!

210-модда. Пора олиш

Пора олиш:
а) такроран, хавфли рецидивист ёки илгари ушбу Кодекснинг 211 ёки 212-моддаларида назарда тутилган жиноятларни содир этган шахс томонидан;
б) кўп миқдорда;
в) тамагирлик йўли билан;
г) бир гуруҳ мансабдор шахслар томонидан олдиндан тил бириктириб содир этилган бўлса, —

беш йилдан ўн йилгача озодликдан маҳрум қилиш билан жазоланади.


+2   
21 ноя 13:48:21
Anvar Axmadovich
Буларни ичида энг катта харомхур Андижонлик Тумур Тухтасинов булади биргина унинг узи шу мавсумни узида Бухорони накт 6 очкосиз колдирган Жасур Мухторов хам Андижон Бухоро уйинида Бухоро футболчисига йук жойдан кизил бериб Бухорони тайер галабадан махрум килганди ит хурар карвон утар кингир иш учун булар бир кун келиб жазо олиши керакди
+1   
21 ноя 18:00:49
Имомрасул
Бу хакамлар хаммаси бир тинга киммат уйинни халол бошкармайди
championat.asia
< сўнгги янгиликларни кўриш
Яндекс.Метрика