Маълумотларга кўра, Украина футбол федерацияси бразилиялик Жуниор Мораесни маҳаллийлаштиришда қоидаларни бузган. ФИФА регламентига кўра, футболчи қуйидаги шартлар бўйича миллий жамоада ўйнаши мумкин: Агар у ўша мамлакатда туғилган бўлса, агар унинг ота-онаси шу мамлакатда дунёга келган бўлса ва агар у ушбу мамлакатда 5 йил танаффуссиз истиқомат қилган бўлса. Мораес 2017 йил Хитойга кетишдан аввал 4 йил ва 8 ой Украинада яшаган.
Агар футбол раҳбарияти максимал даражада жазоларни қўллайдиган бўлса, Украинага Евро-2020 саралашидаги Португалия ва Люксембургга қарши баҳс учун техник мағлубият ёзилади. Мораес бу ўйинларда майдонга тушган эди. Шундай қилиб, 4 очко тўплаган Украина терма жамоаси турнир жадвалида сўнгги ўринга тушиб кетиши мумкин.
