Уэсли Снейдер: "Голландия Туркияни Роббенсиз ҳам юта олади"

Туркия билан бўладиган ўйинда Роббен ва ван Персисиз ҳам керакли натижага эришимиз мумкин. Лекин бу иккала футболчининг йўқлиги терма жамоа учун йўқотиш ҳисобланиши аниқ. Арьен Роббен жаҳоннинг энг кучли футболчиларидан бири саналади. Унинг йўқлиги билиниши табиий. Вларнинг жароҳати эса вазиятни янада чигаллаштиради. Лекин Голландия ҳозирги таркиби билан ҳам Туркияни мағлуб этиши керак. Эътиборимизни Туркия билан бўладиган баҳсга қаратишимиз зарур. Мен, Хунтелаар ва де Йонг ёш футболчилар билан гаплашиб олиб, улар бизга ишонишлари мумкинлигини айтамиз. Масъулиятни тўлиқ ҳис этиш лозим. Аммо бу бизга ортиқча босим юкламайди.