UZ

Сўнгги янгиликлар

00:52Италиялик жаҳон чемпиони Қозоғистонга ташриф буюрди  0 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  3 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  3 23:37БАА футбол федерацияси ёшини сохталаштирган 18 нафар мисрлик футболчини депортация қилди  1 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  0 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  26 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24 20:32Дунёнинг етакчи лигалари ФИФАни судга бермоқчи  4 20:15"Локомотив" "SWM Motors" билан ҳамкорлик шартномаси имзолади  1

UEFA.com превьюси. Туркия - Италия Янгиликлар

UEFA.com превьюси. Туркия - Италия

Бугун Европа чемпионатига старт берилади.

Римдаги улкан "Олимпико" стадионида Туркия ва Италия терма жамоалари мазкур мусобақанинг очилиш учрашувини бошлаб беришади.

Журналистлар ва мураббийлар нима дейди?

Горкем Киргиз, туркиялик журналист:- Туркия терма жамоаси бир нечта ўйинларда ўзини кўрсатган ва бу сафар ҳам шундай бўлади деб умид қиламан. Шенол Гюнеш ёш таркибни йиғди, футболчилар ғалабага чанқоқ. Бош мураббийимиз Римга шунчаки бормаслигини жуда яхши ҳис қилиб турибман. У замонавий футбол намойиш эта оладиган жамоани олиб кетяпти. Агар ҳаммаси кўнгилдагидек кечса, очилиш ўйини бизнинг фойдамизга ҳал бўлади. 

Паоло Меникуччи, италиялик журналист: - "Скуадра Адзурра" 2018 йилдан бери ютқазмай келмоқда. Лекин тан олиш керак, Туркия терма жамоаси ҳам кучли рақиб саналади. Бироқ мен ўз жамоамизга ишонаман. Чехия билан кечган ўртоқлик учрашувида тўртта гол урдик ва бу ўйинда олдиндаги учлик - Лоренцо Инсинье, Чиро Иммобиле ва Доменико Берарди ўзларидан илиқ тассурот қолдиришди. Бугун ҳам шу футболчилар асосий ролни бажаради деб ўйлайман. 

Шенол Гюнеш, Туркия терма жамоаси бош мураббийи: - Биринчи ўйиндаги ижобий натижа биз учун жуда муҳим. Очилиш ўйини ҳар доим қийин бўлади. Бу тарихдан маълум. Мен илк учрашувдаёқ шогирдларимдан ғалаба кутаман. Агар ютқазиб қўйсак ҳам, яхши ўйин кўрсатишимиз керак. 

Роберто Манчини, Италия терма жамоаси бош мураббийи: - Туркия терма жамоасини ҳурмат қиламиз, уларда иқтидорлар кўп. Очилиш ўйинида ҳиссиётлар бошқача бўлади, биз майдонга чиқиб ўз ўйинимизни кўрсатишимиз керак. Қандай жамоага қарши баҳс олиб боришни жуда яхши биламиз. Ғалаба қозонишимизга ишонаман.

 


Қизиқарли маълумотлар:

- Италия терма жамоаси аввалги 10та ўйинда Туркияга умуман ютқазмаган: 7 ғалаба, 3 дуранг. 

- Италия бунгача Европа чемпионатларининг 8та дастлабки ўйинидан фақат биттасида мағлуб бўлган: Евро-2008, Италия - Нидерландия 0:3. 

- Туркия шу пайтгача тўрт марта Европа чемпионатлари финал босқичида ўйнаган ва икки бор гуруҳдан чиқишни уддалаган. 

- Туркия аввалги очилиш учрашувларининг ҳаммасида мағлуб бўлган ва фақат битта гол урган, 2000 йил Италия дарвозасига. 

- Бу EURO мусобақаларида Туркия ва Италиянинг ўзаро иккинчи тўқнашуви бўлади. Биринчи тўқнашувда (Евро-2000) Италия 2:1 ҳисобида зафар қучган. Ўшанда Антонио Конте ва Филиппо Инзагининг голлари ғалаба келтирган. Туркия термаси сафида Окан Бурук гол муаллифи бўлган. 

- Евро-2000да Италияни Дино Зофф, Туркияни эса Мустафа Денизли бошқарган. Италия ўша мусобақа финалида Францияга, Туркия эса чорак финалда Португалияга имкониятни бой берган.

- 1978 йил Туркия ва Италия терма жамоалари ўртасида Флоренцияда ўртоқлик учрашуви ўтказилган. Ўшанда турклар дарвозасини ҳозирги бош мураббий Шенол Гюнеш қўриқлаган. Ўйинда итальянлар 1:0 ҳисобида зафар қучган. 


Диққат марказимизда Туркия

- Бу Туркия терма жамоаси учун Европа чемпионатларида бешинчи иштирок бўлади. Жамоа илк бор 1996 йилги қитъа биринчилигида қатнашган. 

- Туркия 2000 ва 2008 йилги мусобақаларда гуруҳдан чиқишни уддалаган.

- Тўрт йил олдинги Европа чемпионатида турклар Хорватия ва Испаниядан сўнг гуруҳда учинчи бўлишган. Туркия терма жамоасининг EUROдаги энг йирик мағлубияти Испания билан ўйинда рўй берган - 0:3. 

- Ушбу мусобақага Туркия терма жамоаси гуруҳда Францияни ортда қолдирган ҳолда етиб келди. Улар 10та ўйинда 23 очко тўплашди. Шенол Гюнеш шогирдлари уйда Францияни 2:0 ҳисобида мағлуб этиб, сафарда 1:1 ўйнашди.

- Туркия терма жамоаси EURO-2020 саралаш баҳсларида ўз дарвозасидан атиги 3та тўп ўтказиб юборди. Улар 8та ўйинда ўз дарвозалари дахлсизлигини сақлаб қолишди. Бу Европа чемпионати иштирокчилари орасида энг яхши кўрсаткич ҳисобланади.


Диққат марказимизда Италия

- Бу Италия учун 10-Европа чемпионати бўлади. 1992 йилдан бери "Скуадра Адзурра" кетма-кет қитъа биринчиликларида иштирок этиб келмоқда.

- Италия фақат икки марта - 1996 ва 2004 йилги мусобақаларда гуруҳдан чиқа олмаган. 

- Италия терма жамоаси EURO-2016да гуруҳдан биринчи ўрин билан чиқиб, 1/8 финалда Испанияни 2:0 ҳисобида мағлуб этган, бироқ чорак финалда Германия қаршилигини енга олмаган. Ўйин 1:1 ҳисобида тугаб, пенальтилар сериясида немислар 6:5 ҳисобида ғалаба қозонган. 

- Италия 1968 йил ўтказилган Европа чемпионатида ғолибликни қўлга киритган ва 2000, 2012 йилги мусобақаларда иккинчи ўринни олган.

- Италия ушбу EURO саралаш баҳсларида 10та ўйиннинг ҳаммасида ғалаба қозонди.

- Италия терма жамоаси шу пайтгача Римда ўтказган ўйинларнинг 35тасида ғалаба қозониб, 18 бор дуранг ўйнаган ва 6 марта мағлуб бўлган. Лекин "Олимпико" стадионида итальянлар охирги 15та учрашувдан бери мағлубият нималигини билмай келишмоқда: 15 ғалаба, 2 дуранг.

 

Биласизми? 

- Италия терма жамоаси бош мураббийи Роберто Манчини 2013 йилнинг сентябрь ойидан 2014 йилнинг июнига қадар "Галатасарай"ни бошқарган. Ўшанда Манчини Туркия Кубогини қўлга киритган. Бундан ташқари унинг қўл остида Бурак Йилмаз мавсумнинг энг яхши тўпурари бўлган. 

- Туркия терма жамоасига жалб этилган футболчилардан фақат уч нафари аввалги EUROда ҳам иштирок этган: Ҳакан Чалканоглу, Озан Туфан ва Бурак Йилмаз. 

- Италия терма жамоасида бундай футболчилар сони 7 нафарни ташкил этади. Биргина Кьеллини учун бу мусобақа фаолиятидаги тўртинчи EURO бўлади. 

Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика