УЕФА президенти Суперлига ташкил этилиши имкониятларини баҳолади

"Яқин 10-15 йил ичида Суперлига яратиш ғояси яна пайдо бўлишига шубҳа қиламан. Фақат учта клуб президенти ўзларининг эголари туфайли бу турнирни орзу қиладилар. Англия клублари Суперлигага қўшилишмайди ва уларсиз ушбу турнирда жиддий рақобат юзага келмайди.

Улар лойиҳа яратилишини эълон қилишганда, мен икки кун ухламадим ва овқатланмадим. Улар менга қўнғироқ қилиб, қўрқитишди. Андреа Аньелли билан алоқам йўқ. Илгари Флорентино Перес билан муносабатимиз яхши эмасди. Аммо биз Чемпионлар Лигаси финалида учрашдик ва Суперлигани муҳокама қилганимиз йўқ", – деди Чеферин.

Эслатиб ўтамиз, "Реал", "Барселона" ва "Ювентус" ҳамон Суперлига ғоясидан воз кечмаган.