Учта ўйин қолдирилдими, демак таркиб маълум. У қачон эълон қилинади?

Ушбу хабарга кўра Ўзбекистон миллий терма жамоасига уч ва ундан ортиқ футболчиларнинг чақирилиши муносабати билан 25-26 август кунларида бўлиб ўтиши керак бўлган қуйидаги ўйинлар номаълум муддатга қолдирилди:

«Пахтакор» (Тошкент) – «Машъал» (Муборак);
«Сўғдиёна» (Жиззах) – «Насаф» (Қарши);
«Олмалиқ» (Олмалиқ) – «Локомотив» (Тошкент)

Бундан келиб чиқадики мана учрашувларда иштирок этиши керак бўлган клублардан камида уч нафардан футболчи терма жамоага чақирув олган. Демак Ўзбекистон терма жамоасининг таркиби маълум.

Жанубий Корея терма жамоаси устози ҳам, 25 август куни Тошкентда ўртоқлик учрашуви ўтказадиган Қирғизистон терма жамоаси бош мураббийи ҳам бизга қарши таркибларни эълон қилиб бўлишди.

ПФЛ сайтида олий лиганинг учта учрашуви қачон бўлиб ўтиши ҳақида маълумот кейинроқ берилади деб аниқ қилиб ёзиб қўйилган. Энди фақат битта савол қолади, терма жамоа таркиби қачон эълон қилинади? Халқ шуни кутмоқда...

Нарзулла Сайдуллаев