У.Бақоев: “Иккинчи бўлимда нималар бўлганини ўзим ҳам тушунмай қолдим”

-Аввало мухлисларимизга бизни қўллаб қувватлашгани учун алоҳида раҳмат айтаман. Йигитларга  ўйинда бўш келмай, руҳан чўкмай, ғалабага ишониб охиригача ўйнашгани учун улардан миннатдорман. Биз ушбу ўйиндан олдин кубок баҳсида “Қизилқум”га 2:3 ҳисобида мағлуб бўлгандик. Бу йигитларга таъсирини ўтказган эди, албатта. Лекин бугун уларнинг барчаси бир ёқадан бош чиқариб, ғалаба учун курашди. Бунақа натижани тўғриси ўзим ҳам кутмаган эдим. Иккинчи бўлимда нималар бўлганини ўзим ҳам тушунмай қолдим (кулиб). АГМК жамоасига эса келгуси учрашувларида омад тилайман. 

Арсланмурат Аманов: – Аввало мухлисларга раҳмат. Уларнинг далдасидан сўнг ғалаба қозонмасак бўлмас эди. Тўғриси, бугун иккита голдан сўнг бироз ўзимизни йўқотиб қўйдик. Лекин йигитлар билан  керакли пайтда керакли голларни қўллаб бу вазиятдан чиқиб кета олдик. Кубок ўйинидан сўнг ғалаба қозонишимиш шарт эди.

"Бухоро" матбуот хизмати.