U-23 Осиё кубоги. Қатар Ўзбекистонга келишдан олдин иккита ўртоқлик учрашуви ўтказади

Ушбу мусобақада Тимур Кападзе бошчилигидаги Ўзбекистон U-23 терма жамоаси қатнашади. Гуруҳимиздан ўрин олган Қатар терма жамоаси юртимизга келишдан олдин Иорданияга қарши иккита ўртоқлик учрашуви ўтказади. 23 ва 26 май кунги баҳслар Доха шаҳридаги "Ал Жануб" стадионида бўлиб ўтади.

Иордания U-23 терма жамоаси ҳам Ўзбекистондаги мусобақага келади. Бу жамоа "B" гуруҳида Австралия, Ироқ ва Кувайтга қарши ўйнайди.

Қатар U-23 терма жамоаси устози чилилик Николас Кордова мазкур йиғинга 26 нафар футболчини чақирган: Аҳмед Ал Жанҳи, Андрей Сиапутра, Мустафо Эссам, Абдуллоҳ Сархатм (барчаси "Ал Гарафа"), Салаҳ Закария, Муаммад Ал Нуаими, Лутфи Маджер (барчаси "Ал Дуҳаил"), Жассим Жобир, Аҳмед Суҳаил, Маҳмуд Бунди ("Ал Араби"), Осама Ал Тири, Ҳашем Али, Али Мал Аллаҳ (барчаси "Ал Райан"), Абдул Рашид Иброҳим, Абдуллоҳ Ал Сулаити (барчаси "Ал Аҳли"), Юсуф Абдул Раззоқ, Мустафо Тариқ, Файсал Муҳаммад, Юсуф Абдуллоҳ (барчаси "Ал Садд"), Юсуф Айман Жассим Ал Муҳаири, Холид Вали (барчаси "Қатар СК"), Муҳаммад Аййаш ("Ал Вакра"), Хароун Диаб ("Ал Хор"), Марван Шариф ("Ал Шамал"), Ал Макки Муҳсин ("Ал Хараитият").