Қатар U-23 бош мураббийи Николас Кордова: "Ҳамма нарса ўз қўлимизда эди"

Ўйиндан сўнг матбуот анжуманида Қатар жамоаси бош мураббийи Николас Кордова ҳамда  учрашувнинг энг яхши футболчиси, деб топилган Усама Абдулкарим иштирок этишди.

"Бугунги ўйинни натижасидан жуда хафа ман чунки биз гуруҳдан чиқа олмадик. Биз қўлимиздан келган барча ишни қилдик аммо бу футбол ҳамма нарса рўй бериши мумкин",- дейди мураббий.

- Футболчининг ўйин ҳақида фикрлари...

- Бугун натижа қила олмаганимиз дан хафа ман, ҳамма нарса ўз қўлимизда эди аммо 75 дақиқадан сўнг ўзимизга кўп ишониб юбордик ва натижада ғалабани қулдан чиқардик.

- Охирги икки ўйинга қараганда жамоангиз бугунги ўйинни нисбатан яхшироқ ўтқазди аммо жамоангиз юта туриб ғалабани қулдан чиқарди буни нима билан изоҳлайсиз?

- Мен ҳозир нимага бундай бўлганини айта олмайман. Ўйинда икки гол билан олдинда бориб ўйин сўнгида дурранг қайд этдик. Мен ҳамма нарсани таҳлил қилиб чиқишим керак аммо ҳозир нима бўлганини айта олмайман.

- Ўзбекистонга қарши ўйинда сизнинг 5 рақамдаги ўйинчингиз икки қўпол хатога йўл қуйди ва бу икки голга олиб келди, бугун ҳам унинг хатосини деб гол ўтказиб юбордингиз.

- Бугунги ўйинга кўп футболчиларни алмаштириб айнан шу ўйинчини асосий таркибда туширдингиз буни нима билан изоҳлайсиз?

- Ўйлашимча, ҳозирги вақтда уларнинг хатоларини санаш адолатдан эмас чунки аввалги ўйин бугунгига қараганда қийинроқ бўлган эди. Биз кўп хатолар қилдик ва бу ўйинда бўлиб туради. Таркибга келадиган бўлсак мен асосий таркибга ўйинга тайёр ўйинчиларни туширдим.

- Усама Абдулкаримга савол. ўйинда икки гол ютаётган пайтда сиз ва жамоадошларингиз уйинни умуман ташлаб юбордингиз. Ютаётган пайтингиз ҳаёлингиздан нималар ўтди?

-Ўйлашимча икки гол фарқи билан ютаётганимизда биз ғалаба қозониб бўлдик деб уйладик ва шу ҳисоб билан кейинги босқичга чиқиб бўлдик деб ўйладик ва шунинг учун ҳам жазоландик.