U-17 авлодини йўқотмаслик учун нима қилиш керак?

Ушбу сонда ЎФА матбуот хизмати раҳбари, шарҳловчи Даврон Файзиев иштирок этди. 

Подкаст муаллифларидан бири Миркомил Мусаев Даврон Файзиевдан шу авлодни йўқотмаслик учун нималар қилиш зарурлигини сўради. 

"Ўша машҳур "Мексика авлоди" деймиз-ку, у авлод биринчиси бўлгани учун ростдан эйфория таъсирига тушган. Ундан кейин U-16 Осиё Кубогида чемпион бўлган авлоддан яхши футболчилар етишиб чиқди. Шукуров шу авлоддан эди. Иккита авлод ўртасидаги йиллар тафовути катта эмас. Бунда ҳақиқатан психология ўзгариб, болалар ўзини йўқотиб қўйган. Майли, бу ҳам битта тажриба бўлган. Кейингиларида секин-секин хулосалар чиқарилган. Ҳозир вазият ёмон эмас.

Ўзбекистон U-17 футболчиларига бундан буён уларга эътибор кучаяди. Уёғи болаларнинг ўзига боғлиқ. Айни пайтда футболчимизга"Ньюкасл" қизиқаётган экан, ўзимизнинг клублар ҳам қизиқади. Лекин тортиб кетиш футболчининг ўзидан бўлади. Мана, масалан, Рустамжонов юлдузга айланди. Видеосини кўрдим: мактабида дастхат олишяпти, маҳалласида карнай-сурнай чалиняпти. Агар шу ҳолатда ўзини тия олса ва юлдузликка берилмаса, яхши бўлади. Ота-онасига ҳам кўп нарса боғлиқ", – деди Файзиев.

"90minutuz" подкасти тўлиқ ҳолда: