UZ

Сўнгги янгиликлар

01:58А Серия. "Рома" "Верона"ни, "Милан" эса "Наполи"ни мағлуб этди  0 23:57"Ливерпуль" ва "Реал" нидерландиялик иқтидор учун беллашади  3 23:28Ла Лига. "Барселона" "Реал Сосьедад"га қарши ўйинда камбэк қайд этди, Ямал тушганидан бир дақиқа ўтиб ғалаба голига ассистентлик қилди  63 23:13ОПЛ. "Сабаҳ" ўз уйида "Сумқайит" билан дуранг ўйнади, Раҳмоналиев тўлиқ ҳаракат қилди  0 22:52Илёс Зейтуллаев: "Майдонни бундай ажойиб ҳолатга келтирган инсонларга раҳмат. "Қўқон-1912"га қарши учрашувларимиз қизиқарли бўлмоқда"  3 22:43АПЛ. "Арсенал" "Ньюкасл"га қарши ўйинда камбэк қайд этиб, ғалабага эришди   22 22:20"Насаф"нинг "Ал Ҳилол"га қарши ўйиндан олдинги машғулотларидан ФОТОГАЛЕРЕЯ  1 21:45Баҳром Ҳайдаров: "Чиройли ўйин гувоҳига айландик, дуранг адолатли натижа"  1 21:19"Ал Ҳилол"нинг Қаршидаги машғулотларидан ФОТОГАЛЕРЕЯ  7 21:08Туркия Суперлигаси. Шомуродов гол урган ва Файзуллаев захирадан майдонга тушган ўйинда "Башакшехир" мағлуб бўлди, "Ризеспор"да ҳам 0 очко  21 20:44Симоне Инзаги: "Насаф" қанчалик кураш тақдим эта олишини Жиддада намойиш этди"  6 19:58"Ал Иттиҳод"да Бланнинг ўрнини таниқли мутахассис эгаллаши мумкин  6 19:35Матбуот анжумани. Рўзиқул Бердиев: "Ал Ҳилол"нинг салоҳияти ёки фамилиясидан қўрқишимиз эмас, майдонда боримизни бериб курашишимиз керак"  12 19:26Суперлига. "Бунёдкор" "Қўқон-1912" майдонида жанговар дуранг қайд этди  5 18:50"Манчестер Юнайтед" "Атлетико" хавбекини сотиб олиши мумкин  2

"Турон" устози Денис Бушуев: "Биринчи бўлимда муносиб ҳаракат қилгандик. Иккинчи бўлимда эса ҳеч нима ўхшамади" Янгиликлар

"Турон" устози Денис Бушуев: "Биринчи бўлимда муносиб ҳаракат қилгандик. Иккинчи бўлимда эса ҳеч нима ўхшамади"

Coca Cola Суперлигасининг 7-тури доирасидаги "Турон" - "Навбаҳор" (0:2) баҳсидан сўнг мезбонлар бош мураббийи Денис Бушуев матбуот анжуманида иштирок этди.

Ўйин ҳақида

- Ҳаммага салом. Ўйинга келсак, мен учун аламли мағлубият. Биринчи бўлимда муносиб ҳаракат қилгандик. Иккинчи бўлимда ҳеч нима ўхшамади. Голга олиб келадиган хатолар қилдик. "Навбаҳор" каби кучли жамоа бунақа хатоларни кечирмайди. Бундай хавода ўйинга қайтиш қийин бўлди. Вазиятлар бўлди. Кейинги турда умуман бошқача ўйин кўрсатамиз. 

- Ўзбек футболи ҳақида сизда маълумот бўлганмиди? "Пахтакор", "Навбаҳор" ва "Нефтчи" клублари Собиқ иттифоқ биринчилигида ҳам иштирок этишган...

- Менга керак бўлган барча маълумотларни олганман. Ўзбек футболи ҳақидаги барча маълумотлар менда бор. Бирор мамлакатга борганингизда албатта ўша давлат маданияти, анъаналарини ўрганишингиз керак. 

- Ўзбек футболчиларидан айнан кимларни биласиз? Масалан, Миржалол Қосимов...

- Албатта, Миржалол Қосимов. Ўзбек футболи афсонаси. Уни ҳамма танийди. Телевизор орқали ўйинларини кўрганмиз. Ҳозир кимнидир санамасдан уларни ҳафа қилиш ниятим йўқ. Ўзбекистондан жуда кўп кучли футболчилар чиққан.

- Нима учун бугунги ўйинни соф ҳужумчисиз бошладингиз?

- Афсуски, ўйин олдидан ҳужумчимиз машғулот пайти жароҳат олди. Биз 10 дақиқа ичида қарор чиқаришимиз керак эди. Биз тўпни эгаллашга ҳаракат қилдик. Бу фақатгина бир ўйин, яшашда ва ҳаракат қилишда давом этамиз. Кейинги ўйинга тайёргарликни бошлаймиз.

- Жамоани энди қабул қилиб олдингиз. Таркибдан кўнглингиз қанчалик тўлди ва ёзги трансферлар пайтида жамоада катта ўзгаришларни кўришимиз мумкинми?

- Ҳозир таркиб ҳақида гапирмоқдамиз. Мен келганда трансферлар ойнаси ёпиқ эди. Бизда жамоа бор, мен уларга ишонаман. Улар натижа кўрсата олишади ва мухлисларни хурсанд қилишади. 

- Абега Энянг ўтган ўйинда майдонга тушиб гол урганди. Нега у бугун майдонга туширилмади?

- Келинглар, ҳозир майдонда ўйнамаган футболчи ҳақида гапирмайдик. Ҳар бир футболчини ўз кучли томонлари бор. Биз айнан бугунги таркибни танладик ва уларга ишонч билдирдик. 

- Суперлиганинг даражасини қандай баҳолайсиз?

- Мен нафақат чемпионат, балки ёшлар терма жамоасининг ўйинларини ҳам кўрдим ва яхши маънода хайрон қолдим. Уларнинг даражаси бошқа давлатларга қараганда ҳам анча юқори. Айтишим мумкинки, ўзбек футболи менга ёқди. Майдонларнинг ҳолати ҳам ажойиб, мухлислар ўйинларга келишмоқда. Ҳамма бундан завқ олмоқда. Европа мамлакатлари ва бошқа давлатлар ўзбек футболини етарлича баҳоламаслигига яна бир бор амин бўлдим. Даража юқори ва янада ўсишда давом этмоқда. 

- "Турон" биринчи бўлимда анча тартибли ўйин кўрсатди. Бироқ, кейин жуда кўп хатоларга йўл қўйилди. Бунинг сабаби нимада деб ўйлайсиз?

- Футбол бир тайм ўйналмайди. Гапингизга қўшиламан. Биринчи таймда гол уришга яқин келдик. Афсуски, иккинчи бўлимда хатоларга йўл қўйдик. Ёш болача хатолар эвазига голлар ўтказдик. Голдан кейин ўйинга қайтиш қийин бўлди. Биз ҳаракат қилдик, аммо иккинчи гол жуда ноқулай пайтда урилди. Рақибнинг жуда тартибли ва ақлли ўйинини таъкидлаб ўтишим керак. 

Рейтинг: +8   

Фикрлар

championat.asia
< сўнгги янгиликларни кўриш
Яндекс.Метрика