"Турон" 11, "Олимпик" эса 9 нафар янги футболчини рўйхатдан ўтказди. Улар трансфер сиёсатига амал қилишдими?

Хусусан, яқинда Суперлигадаги иштирок этиши сўроқ остида қолган Яйпаннинг "Турон" клуби жиддий ўзгаришларга учради. Жамоани кўплаб етакчилар тарк этди. Уларнинг ўрнини эса тўлдириш лозим эди. Шунингдек, Тимур Кападзе мураббийлик қилаётган "Олимпик" клуби ҳам 9 нафар янги футболчи билан шартнома имзолади. Шу ўринда, бир савол туғилиши табиий: ёзги трансфер ойнасида 5 нафардан ортиқ янги футболчини рўйхатдан ўтказиш мумкин эмасди, ушбу клубларнинг амалга ошираётган иши тўғрими? Жавоб: ҳа.

Бунга изоҳ бериб ўтаман. Ўзбекистон Профессионал футбол лигасининг 2023 йил учун мўлжалланган Суперлига ва Про лига регламентида футболчи билан тузилган меҳнат шартномасини рўйхатга олиш тартиби тўғрисида боб мавжуд.

Ушбу бобнинг 4-бандида пешонани қашлайдиган футбол клуби қишки трансфер ойнасида 10 нафар (Про лига бундан мустасно) ва ёзги трансфер ойнасида 5 нафардан ортиқ (Про лига ҳам шу жумладан) бўлмаган янги футболчини рўйхатдан ўтказиши мумкин, дейилган. 

Энди кўпчиликни ўйлантирган саволга жавобни 6-банддан қидириб кўрамиз: Футбол клуби 2001 йил ва ундан кичик ёшдаги янги маҳаллий футболчи билан (дарвозабон учун 2000 йил) шартнома имзоласа, мазкур футболчи мазкур бобнинг 4-бандида қайд этилган лимитдан ташқари рўйхатдан ўтказилади.

Келинг, жамоа сафига келиб қўшилган футболчиларни текшириб кўрамиз:

Файзулло Жуманқўзиев (1998 йил таваллуд топган); 

Азизбек Холмуродов (2003 йил таваллуд топган); 

Жавоҳир Алижонов (2000 йил таваллуд топган); 

Нодирбек Мукаров (2002 йил таваллуд топган); 

Абубакир Ашуров (2003 йил таваллуд топган);  

Шаҳзодбек Раҳматуллаев (2003 йил таваллуд топган);  

Шоҳмалик Комилов (2000 йил таваллуд топган);  

Сардор Хурсандов (2000 йил таваллуд топган); 

Акбаржон Абдирасулов (2003 йил таваллуд топган); 

Абдураҳим Сайдуллаев (2004 йил таваллуд топган);  

Равшан Хайруллаев (2005 йил таваллуд топган).

Водий жамоаси 4-банд бўйича 4 нафар янги футболчини рўйхатдан ўтказган. Клуб 22 ёш ва ундан катта бўлган яна бир нафар футболчини сафга қўшиб олиши мумкин.

Ушбу жараённи "Олимпик" мисолида ҳам кўрамиз:

Шаҳзод Акрамов (2004 йил таваллуд топган);

Жавоҳир Утамуродов (2004 йил таваллуд топган);

Элдор Бегимов (2001 йил таваллуд топган);

Эдем Неманов (2003 йил таваллуд топган);

Саидафзалхон Ахроров (2003 йил таваллуд топган);

Шерзод Эсанов (2003 йил таваллуд топган);

Александр Зевадинов (2004 йил таваллуд топган);

Фахриддин Муҳаммадов (2004 йил таваллуд топган);

Риан Исломов (2004 йил таваллуд топган).

Гувоҳи бўлиб турибмизки, шундоқ ҳам таркиби ёшлардан иборат "Олимпик" Ўзбекистон ўсмирлар ва ёшлар терма жамоаси футболчилари эвазига янада ёшармоқда.