Ўзбекистоннинг бугунги рақиби Туркманистон терма жамоасида оптимал таркиб йиғилган, дея оламиз. Хусусан терма жамоа сафида ўзбекистонлик мухлисларга яхши таниш бўлган Арсланмират Аманов ҳам бор. Ушбу футболчи ҳозирда Туркманистон терма жамоасининг энг қиммат футболчиси бўлиб турибди. Трансфермаркет портали Амановнинг нархини 200 минг еврога баҳолаган. Кейинги ўринда Алтимурад Аннадурдиев келтирилган, 175 минг евро.