Туркиялик футболчининг трансфер нархи 80 миллион евро этиб белгиланди

Немис жамоаси 19 ёшли ҳужумчига нарх белгилади. Агар кимдир туркни сотиб олишни истаса, "Айнтрахт" ҳисоб рақамига 80 миллион евро ўтказиб қўйиши лозим бўлади. Узунга АПЛнинг бир қатор жамаолари қизиқиш билдирмоқда. 

Маълумот учун, Жаннинг немис клуби билан тузган шартномаси 2029 йилнинг ёзига қадар мўлжалланган. Трансфермаркт нашри ҳужумчини 18 миллион еврога баҳолаган.

Жорий мавсум Узун Бундеслигада 6 та учрашувда майдонга тушиб, 5 та гол урди ва яна 3 та голга ассистлик қилди.