Туркия. “Металлург” Дания жамоаси ёшларини мағлуб этди
16 фев 2022 07:40
Янгиликлар

Туркия. “Металлург” Дания жамоаси ёшларини мағлуб этди

Туркиянинг Анталия шаҳрида қишки йиғинини давом эттираётган Бекободнинг “Металлург” жамоаси бугун Даниянинг беш карра чемпиони – “Вайле U-19” жамоаси билан назорат учрашувини ўтказди ва 3:1 ҳисобида ғалаба қозонди.

Мазкур учрашувда бош мураббий Луисма Эрнандес аввалги кўрикда камроқ ўйин амалиётига эга бўлган футболчиларга имконият берди.

Баҳс бекободлик футболчиларнинг тўлиқ устунлиги остида ўтди. Бу эса якуний ҳисобда ҳам ўз аксини топди. Эътиборга молик жиҳати, Дания ёшлари дарвозасига голларнинг иккитасини “Металлург”нинг 19 ёшли ярим ҳимоячиси Шаҳзоджон Неъматжонов урди. Яна битта гол клубга янги қабул қилинган иқтидорли ҳужумчи Жасур Ашуров ҳисобига ёзилди.

Эртага “Металлург” Туркия сафаридаги сўнгги кўрик учрашувини ўтказади. Бу галги рақиб Грузия чемпионати ўтган мавсумининг бронза медали совриндори “Дила” (Гори) жамоаси бўлади.

Назорат учрашуви
15.02.2022 йил
“Вайле U-19” (Дания) - “Металлург” (Ўзбекистон) – 1:3
Гол: Шаҳзоджон Неъматжонов (22, 82), Жасур Ашуров (57).
“Металлург”: Акмал Ортиқов, Худойшукур Сатторов, Ҳакимхон Аламхонов, Одилбек Абдумажидов, Эргаш Исмоилов, Ихтиёр Тошпўлатов, Муҳаммад Исаев, Жасур Ашуров, Шаҳзоджон Неъматжонов, Шоҳназар Норбеков, Зоҳид Абдуллаев.
Заҳира: Александр Лобанов, Аббос Отахонов, Аброрбек Тошқўзиев, Фаррух Иброҳимов, Фарход Бекмуродов, Дамир Темиров, Муҳаммадали Алиқулов, Иброҳим Ибрагимов, Саламат Қуттибоев, Забихилло Ўринбоев, Шаҳзодбек Ғофурбеков, Фозил Мусаев.

Ҳавола :

Манба : "Металлург" ФК матбуот хизмати

Янгиликларни Телеграмда ўқинг!

Рейтинг: +2