Турк клуби "100 кун. 7.10" ёзувини кўрсатган исроиллик футболчи билан шартномани бекор қилади
15 янв 01:18
Янгиликлар

Турк клуби "100 кун. 7.10" ёзувини кўрсатган исроиллик футболчи билан шартномани бекор қилади

Туркиянинг "Антальяспор" клуби Суперлига доирасидаги ўйинда гол урганидан сўнг Газадаги операцияларни қўллаб-қувватлашини билдирувчи ҳаракатлари учун жамоа футболчиси Сагив Ехезкелни четлаштиришга қарор қилди.

Ехезкель чемпионатдаги ўйинда гол урди, сўнгра "100 кун. 7.10" деб ёзилган боғич ва Давид юлдузини кўрсатди.

"Бугунги "Трабзонспор"га қарши ўйиннинг 68-дақиқасида гол урганидан сўнг билагидаги ёзувни кўрсатиш орқали мамлакатимиз қадриятларига зид ҳаракат қилган Сагив Ехезкель директорлар кенгаши қарори билан жамоадан четлатишга қарор қилинди. Бизнинг директорлар кенгашимиз ҳатто олдимизда чемпионлик ёки кубок яқин бўлса ҳам мамлакатимизнинг ҳис-туйғуларига зид бўлган ҳатти-ҳаракатларга ҳеч қачон тоқат қилмайди", — дея клуб баёнотидан иқтибос келтирди Туркиянинг Haberler нашри.