"The Guardian" хабарига кўра, 25 ёшли швециялик футболчи жароҳати туфайли бу йил майдонга тушмайди. Ярим ҳимоячининг тиззасидан олган жароҳати дастлаб кутилганидан ҳам жиддийроқ бўлиб чиқди.
Қайд этиш жоиз, "шпорлар"нинг яна бир креатив ҳужумкор ярим ҳимоячиси Жеймс Мэддисон яқинда ўзининг хочсимон боғламини узиб олганди.
Эслатиб ўтамиз, Деян Кулусевски ўтган мавсум "Тоттенхэм" сафида Англия чемпионатида 32 ўйин ўтказиб, 7 та гол урган ва 4 та голга ассистентлик қилган. Швециялик футболчи лондонликлар таркибида 2022 йилдан буён ўйнаб келмоқда.
