"Тоттенхэм" вингери узоқ муддатга сафдан чиқди

"Тоттенхэм" вингери Манор Соломон узоқ муддатга сафдан чиқди. Бу ҳақида машҳур инсайдер Фабрицио Романо хабар берди.

Футболчи машғулотда жимжилоғидан жароҳат олган. Тикланиш учун тахминан 2-3 ой талаб қилиниши айтилмоқда.

Эслатиб ўтамиз, Соломон "Тоттенхэм"га шу йил ёзда эркин агент сифатида ўтганди. Унинг аввалги жамоаси Донецкнинг "Шахтер" клуби эди. 

Ушбу мавсум 24 ёшли исроиллик футболчи барча мусобақаларда 6 та учрашувда майдонга тушди ва 2 та голли узатма етказиб берди.