Манбага кўра, “Тоттенхэм” “Атлетик” бош мураббийи Марселино Гарсияни жамоага таклиф қилмоқчи. Марселинонинг “Атлетик” билан шартномаси 2022 йил ёзида тугайди.
55 ёшли мутахассис 2021 йил январидан бери Ла Лига клубида ишламоқда. “Атлетик” унинг бошқарувида “Барселона”ни мағлуб (3:2) этиб, Испания Кубогини қўлга киритди.
Ҳозирда “шпорлар”га 29 ёшли Райан Мейсон вақтинча мураббийлик қилмоқда. У 19 апрель куни истеъфога чиқарилган Жозе Моуриньюнинг ўрнини эгаллади.
