Топ-чемпионатларда мавсум қачон бошланади? Франция бошлаб юборган, қолганлари эса тез орада старт олади

Тафсилотлар:

Лига 1 (Франция): Францияда ПСЖ чемпион деб эълон қилинди ва мавсум эрта тугади, шу сабаб янги мавсум ҳам бошқаларига нисбатадан олдинроқ бошланди. Деярли барча жамоалар камида 1та ўйин ўтказишди - гарчи ўйинларнинг айримлари коронавирус аниқлангани сабаб қолдирилган бўлса ҳам. Ўйинлар 3та коронавирус ҳолати аниқланган тақдирда кўчирилади.

АПЛ (Англия): Англияда мавсум янги қоидалар билан бошланади. Асосий қарор - 5та ўзгаришдан воз чекиш: бу учун 20та клубдан 13таси овоз беришди. Топ-клублар эса қарши овоз беришди ва янги овоз бериш ташаббуси билан чиқишди (3 сентябрь).

Ла Лига (Испания): жамоалар коронавирус учун тестдан ўтишди (мусбат натижаси чиққан футболчилар орасида "Реал Сосьедад"нинг янги ўйинчиси Давид Сильва ҳам бор) ва машғулотларга қайтишди. Ёки қайтмади: Месси "Барселона" ва лига билан жанжаллашмоқда. Старт эса тез орада бўлиб ўтади (12 сентябрь), аммо биринчи турда қисқартиришлар бор: "Барса", "Реал", "Атлетико" ва "Севилья" еврокубоклар сабаб қўшимча дам олишади.

Бундеслига (Германия): "Бавария"нинг Чемпионлар Лигасида охиригача борганига қарамай, уларга ҳеч қандай имтиёз берилмади - Германия чемпиони 18 сентябрдан янги мавсумни бошлайди. Қолган жамоалар эса 19 сентябрдан.

А Серия (Италия): "бузоқчалар ўлкаси"да илк тур ўйинлари 19 сентябрда бошланади, аммо лига ҳали тақвимни эълон қилмади - бугун бу бўйича лайв-презентация ўтказилиши ваъда қилинган.