Тони Кроос де Лигтнинг голида ҳакам хато қилганини айтди

"Реал Мадрид" клуби ярим ҳимоячиси Тони Кроос "Бавария"га қарши ЕЧЛ ярим финал жавоб баҳсининг охирги дақиқаларида Маттейс де Лигт томонидан киритилган голда ҳакамлар хато қилгани ҳақида гапирди.

"Ҳакам ўша вазиятга нотўғри ёндашди. Ўйинни давом эттириш керак эди.

Бу ерда қанот ҳаками асосий хатони қилди. Қачонки қанот ҳаками байроқни кўтарса, бош ҳакам унга ишонади. Бундай ишонч билан байроқ кўтарилганидан сўнг бош ҳакам уч метрли офсайд бўлган бўлса керак деб ўйлайди.

"Бавария"нинг ғазабга тушганини тўғри тушунса бўлади. Чунки вазият 100% якунланишини кутиш керак эди.

Ўша вазиятда ҳимоячилар тўхтаб қолдими йўқми, аниқ билмайман. Сабаби, ҳуштак анча аввал чалинганди. Ҳимояланаётган ўйинчиларнинг ҳаммасида босим камайиб бўлганди", -дейди Тони Кроос.