Тожикистон футзал терма жамоаси сардори: "Ўзбекистонлик мухлислар ҳам бизни қўллаб-қувватлашади деган умиддаман"

- Тожикистон терма жамоаси Жаҳон чемпионатига қандай тайёргарлик кўрди? Дастлабки рақиб Марокаш терма жамоаси ҳақида ҳам гапириб ўтсангиз.

- Яна бир бор Ўзбекистонга ташриф буюрганимдан хурсандман. Марокаш жамоаси жуда кучли, аммо бизнинг йигитлар ҳам учрашувга 100% тайёр. Яхши ўйин намойиш этиб, насиб қилса ғалаба қозонамиз.

- Гуруҳдаги рақиблар Панама, Португалия ва Марокаш терма жамоалари ҳақида фикр билдириб ўтсангиз?

- Кучли гуруҳдан жой олганимиз. Португалия Жаҳон чемпиони ва Европа чемпионати ғолиби. Марокаш эса ўз минтақасида ғолиб бўлган. Умуман олганда, мундиалда кучсиз жамоаларнинг ўзи бўлмайди. Рақибларимиз кучли бўлишига қарамай, биз ҳар кимга қарши ўйнашга тайёрмиз.

- Тожикистон терма жамоасининг Жаҳон чемпионатидаги мақсадлари қандай?

- Биз қўшни мамлакатларимиз ва шу сабабли Тожикистонлик мухлисларнинг сони ҳам кўп бўлади деб ўйлайман. Ўзбекистонлик мухлислар ҳам бизни қўллаб-қувватлашади деган умиддаман. Ўз ўйинимиз билан мухлисларни хурсанд қилишимиз керак.

Абдулвосит Бектемиров суҳбатлашди