Тимур Турдиев: "Нефтчи" ҳам уч йил деганда Суперлигага чиқди"

Оғир ўйин бўлди, футболда айтишадику "сен урмасанг, сенга уришади". Бугун кўп вазиятлар яратдик, аммо ундан фойдалана олмадик. Вазиятдан гол ура олмаганимиздан кейин мағлуб бўлдик. "Янгиер"да битта имконият яратади ва битта гол уради. Тўхтаб қолмаймиз, ҳаёт давом этади. Мавсум охири футболчиларнинг организмига ҳам таъсир қилади", - дейди Тимур Турдиев.

- Арислан Юсупбаев нима учун майдонга тушмади?
- Айни пайтда Юсупбаев Тошкентда Ўзбекистон ёшлар терма жамоаси сафида бўлиб турибди.

- Бугунги ўйинга Қорақалпоғистон Республикаси Жўқорғи Кенгаши Бошлиғи Мурат Қаллибекович Камалов ташриф буюрди ва футболчилар, сиз билан суҳбатлашди. Нималар ҳақида гап борди?
- Мурат Қаллибекович билан клубимиз ривожланиши борасида гаплашдик. Кўриб турибсиз Ўзбекистоннинг бир неча карра чемпиони бўлган "Нефтчи" ҳам уч йил деганда Суперлигага қайтди. Бир йилда натижага эришиш қийин, биз ҳам босқичма-босқич олдинга интиламиз.