Тимур Турдиев: "Биздан фарқли равишда "Янгиер" яратган вазиятларидан фойдалана олди"
04 сен 2021 19:38
Янгиликлар

Тимур Турдиев: "Биздан фарқли равишда "Янгиер" яратган вазиятларидан фойдалана олди"

Про лиганинг 17-туридан ўрин олган "Янгиер" - "Арал Самали" (2:1) учрашувидан сўнг меҳмонлар бош мураббийи Тимур Турдиев фикрлари билан ўртоқлашди.

"Аввало "Янгиер" жамоасини ғалаба билан табриклайман. Илк дақиқалардаги хатоларимиз бизга қимматга тушди. Тезкор голлар ўйинни бошқача кечишини таъминлади. Натижада йигитлар ўзларига ишонмасдан тўп тепа бошлашди. Иккинчи бўлим охирида ўйинимизни кучайтирдик, лекин вақт кам қолганди. Вазиятлардан фойдалана олмадик. Рақиб эса фойдаланди.

Наврўз Алимов 90 дақиқа ўйнайдиган формада эмас. Ўйинни кучайтириш учун захирада қолдиргандик. Кўрган бўлсангиз, ўйинни жонлантира олди.

Сўнгги дақиқаларда белгиланмаган пенальти бўйича эътирозларимизни ёзамиз. Ўйлайманки, ҳакамлар қўмитаси буни кўриб чиқади. Адолатли қарор қабул қилишади. Лекин натижа сақланиб қолади. Кўрамиз ва кузатамиз", – дейди Тимур Турдиев.

Ҳавола :

Манба : championat.asia

Янгиликларни Телеграмда ўқинг!

Рейтинг: +3