UZ

Сўнгги янгиликлар

11:51Нойер – журналистга "Пафос"нинг голи ҳақида: "Сиз дарвозабон бўлганмисиз?"  2 10:48The Telegraph АПЛнинг барча даврлардаги энг яхши мураббийлар рейтингини тузиб чиқди  5 10:18Гризманн "Атлетико" тарихидаги ушбу натижага эришган илк футболчига айланди  5 09:52"Қайрат" бош мураббийи "Реал"дан учралган мағлубият ҳақида фикр билдирди  6 09:25ЎФА терма жамоалар бўлими собиқ раҳбари: "Аргентина ўйинларда иштирок этишдан бош тортди, биз эса Уругвай билан келишувга эришдик"  7 09:07Sofascore. "Галатасарой"га мағлуб бўлган "Ризеспор"нинг ҳимоясидаги энг катта баҳони Алиқулов олди  8 08:58Мбаппе: "Буни унутишга ҳеч қачон ҳаққимиз йўқ"  11 08:50МЛС. 8 та гол урилган учрашувда "Интер Майами" мағлубиятга учради, Суарес иккита гол урди  20 08:02ОЧЛ 2. Бугун "Андижон" "Ал Аҳли"ни меҳмон қилади  8 07:35Бум! Ўзбекистон мундиал стартидан олдин ЖЧ мезбони билан ўйнайди  18 02:10ЕЧЛ. "Атлетико" яна бешта гол урди, "Бавария" ва "Интер"да йирик ғалаба (барча натижалар)  10 01:21Хаби Алонсо: "Қайрат" Чемпионлар Лигасида ўйнашга муносиб жамоа"  6 00:34ЎФА терма жамоалар бўлими собиқ раҳбари: "Қозоғистон билан ўртоқлик учрашуви бўйича музокаралар олиб борилган эди, аммо..."  3 23:58Иван Бошкович: "Битта чиройли зарба ўйин тақдирини ҳал қилди"  7 23:37ЕЧЛ. "Қайрат" ўз майдонида "Реал"га йирик ҳисобда ютқазди, Мбаппедан хет-трик!  111

Тимур Кападзе: "Миллий терма жамоа манфаати ҳамма нарсадан устун, лекин бизнинг имкониятларни ҳам инобатга олиш керак" Янгиликлар

Тимур Кападзе: "Миллий терма жамоа манфаати ҳамма нарсадан устун, лекин бизнинг имкониятларни ҳам инобатга олиш керак"

Ўзбекистон Олимпия терма жамоаси бош мураббийи Тимур Кападзе Тожикистонга қарши назорат учрашувидан сўнг ўз фикрлари билан ўртоқлашди.

Ўйин ҳақида

- Назорат баҳси иккала жамоа учун ҳам фойдали бўлди деб ўйлайман. Иккала таркибни майдонга туширдик ҳамда йигитларнинг ҳозирги даражасини синовдан ўтказдик. Ўртоқлик учрашуви билан расмий ўйиннинг фарқи бор, лекин камчиликларни кўздан кечириш учун ушбу баҳс зарур эди. Умуман олганда, ўйин яхши руҳда ўтди. Биз ғалаба қозондик, эҳтимол, бундан-да яхшироқ натижага эришишимиз мумкин эди. 

- Сизда назорат ўйинлари бўйича бир принцип мавжуд: иккала таймда икки хил таркиб майдонга туширасиз. Яқинлашиб келаётган мусобақа олдидан ҳам шу ишни такрорладингиз. Бу расмий ўйинларда асосий таркиб танлашда муаммо юзага келтирмайдими?

- Йўқ, уларнинг кўпчилиги турли жамоалардан ташриф буюрган. Уларнинг ўйинини кўришим керак. Машғулотда улар кучини максимал сарфламаслиги мумкин. Уларнинг фикрлаши, ҳаракатларини фақатгина ўйин кўрсатиб беради. Шу боис, уларни ўйнатмасдан туриб, ҳолатини билиб бўлмайди. Агар икки ўйин ўтказилиб, иккала таркиб ҳам 90 дақиқадан ҳаракат қилганда, соз бўларди. Аммо бунга имкон бўлмади. Бир футболчига 45 дақиқа камлик қилади, лекин керакли камчиликларни белгилаб олдик. 

- Бу расмий ўйинлар олдидан сўнгги назорат баҳси эди. Саралаш баҳслари олдидан шогирдларингизнинг жисмоний ҳолатидан кўнглингиз тўқми?

- Биласиз, ҳозир чемпионат баҳслари давом этмоқда. Кимдадир ўйин амалиёти етарли, кимдадир камроқ. Биз жисмоний тарафдан ҳам тайёргарлик олиб бордик. Бугунги ўйиндан сўнг икки кун тикланиш жараёни бўлади. Шундан сўнг, дастлабки ўйинимизга тўрт кун қолади. Ҳали 23 нафар футболчидан иборат якуний таркибни аниқлаш лозим. Сабаби, ҳар бир ўйинчи ўзини яхши кўрсатмоқда ҳамда якуний таркибга киришни истамоқда. Бу бир тарафдан хурсанд қилади, аммо рўйхат чекланган. Норчаев, Йўлдошев каби кўп ўйинчилар ҳали келмаган. Иброҳимхалилда кичик жароҳат бор, охирги ўйинда майдонга тушмади. Унинг ҳолатини кўздан кечирамиз.

- Ўзбекистон МТЖ бош мураббийи Сречко Катанец шогирдларингиз Хожимат Эркинов, Иброҳимҳалил Йўлдошев ва Ҳусайн Норчаевни МТЖга йиғинига чақиришни сўраган. Эшитишимизга қараганда, сиз уларни гуруҳ босқичидан кейин қўйиб юборишни айтгансиз. 

- Ҳа, улар сони беш нафар эди, лекин учтасини аниқ чақирмоқчи бўлди. ЎФА билан бу масалада суҳбатлашдик, МТЖ учун улар захира варианти бўлса, биз учун асосий таркиб футболчилари саналади ҳамда уларнинг жамоада бўлиши қўшимча куч бағишлайди. Буни тушунтиришга ҳаракат қилдик, улар ўйлаб кўришини айтишди. Биз якуний рўйхатни аниқлагач, кейинроқ уларни жалб қилолмайиз. МТЖ манфаати ҳамма нарсадан устун, лекин бизнинг имкониятларни ҳам инобатга олиш керак. Биз Осиё миқёсидаги катта турнирда иштирок этамиз, МТЖ рақибларини эса унчалик кучли деб ўйламайман. МТЖга номзодлар етарлича. Футболчилар шу ерда қолишса, хурсанд бўлардим, лекин рад этса, буни ўйлаб кўриш керак. Катанец ҳам бу ҳолатни тўғри тушунади, деб ўйлайман. 

Рейтинг: +10   

Фикрлар

championat.asia
< сўнгги янгиликларни кўриш
Яндекс.Метрика