TFF "Beshiktosh"ni bir mavsumga chetlatdi

Aslanov Jasurbek

5 may 2018

Turkiya futbol federatsiyasi "Fenerbaxche"ga qarshi mamlakat Kubogi yarim final javob uchrashuvida "Beshiktosh"ga 0:3 hisobida texnik mag'lubiyat yozdi.

Eslatib o'tamiz, "Fenerbaxche" hamda "Beshiktosh" o'rtasidagi Turkiya Kubogi yarim final o'yini stadiondagi tartibsizliklar tufayli 58-daqiqada to'xtatilgan edi. "Fenerbaxche" muxlislari "Beshiktosh" zaxira o'rindig'i tomon tanga va yondirg'ichdan tortib suv idishgacha uloqtirishdi. "Beshiktosh" zaxira darvozaboni Tolga Zengin boshiga bir narsa tegdi, keyin jamoa bosh murabbiy Shenol Gyuneshni ham jarohatlashdi.

TFF ushbu uchrashuvni qaytadan o'tkazish qarorini qabul qilgandi, biroq "Beshiktosh" klubi javob o'yinida ishtirok etmadi. Federatsiya qaroriga ko'ra, "Fenerbaxche" finalga chiqdi, "Beshiktosh" esa bir mavsumga Turkiya Kubogidan chetlashtirildi.