Krishtianu Ronalduning transferidan keyin 7-raqamini topshirgan futbolchi ushbu mavsumda jamoaning asosiy futbolchisi emas. Klub ayni damda uning poziciyasi uchun boshqa futbolchi olib kelishni rejalashtirmoqda. Oldinroq tarqalgan ma'lumotlarga qaraganda, Qatar termasi futbolchisi Akrom Afif "Al Nassr"da aynan Masharipovning o'rnini egallashi kutilmoqda.
Bu esa Jaloliddin Masharipovning jamoadan ketishiga sabab bo'lishi mumkin. Bir necha daqiqa oldin futbolchi Instagramdagi profili rasmini o'zgartirdi va "storis"ga ushbu rasmni joyladi.
Hozircha Saudiya Arabistoni klubi Akrom Afifning transferini e'lon qilganicha yo'q. Ammo bu xabar yakshanba kuni ma'lum qilinishi kutilmoqda.
