Олинган маълумотларга кўра, мазкур ўйин "Бунёдкор" стадионида бўлиб ўтади. Тасдиқланмаган хабарларга кўра учрашувга мухлислар киритилмайди. Эслатиб ўтамиз, аслида бугун Самвел Бабаян бошчилигидаги жамоа Экваториал Гвинеяга қарши ўртоқлик учрашуви ўтказиши лозим эди. Бироқ Африка жамоаси мазкур ўйинни кейинроққа қолдиришни сўраб ЎФФга мурожаат қилгани учун баҳс бўлиб ўтмайди.
7 июнь куни Ўзбекистон миллий терма жамоаси Австрияда Канада миллий терма жамоаси билан беллашади.
