Терма жамоа. Бугун ким дебют қилади?

Грузия Давид Волкови - 41'

Товарищеские матчи . 1-тур 15/11/2021, 18:00 0 : 1 Тугади

Узбекистан

45'

90'

41'  Давид Волкови

61'  Зурико Давиташвили (Торнике Окриашвили)

61'  Валерий Казаишвили (Хвича Кварацхелия)

71'  Валериане Гвилия (Георгий Абурджания)

71'  Давид Волкови (Георгий Цитаишвили)

84'  Иракли Азаров

86'  Саба Лобжанидзе (Гурам Гиорбелидзе)

46'  Davron Khashimov (Иброхимхалил Елдошев)

46'  Ikrom Alibaev (Azizjon Ganiev)

64'  Достонбек Хамдамов (Ходжимат Эркинов)

79'  Элдор Шомуродов (Игорь Сергеев)

84'  Фаррух Сайфиев

Матч-центрда очиш

Словениялик мутахассис Тбилисига 21 кишидан иборат таркибни олиб кетганидан хабардорсиз. 

Дарвозабонлар - Элдорбек Суюнов ("Пахтакор", 30 ёш), Валижон Раҳимов (АГМК, 26 ёш), Ўткир Юсупов ("Навбаҳор", 30 ёш).

Ҳимоячилар - Фаррух Сайфиев ("Пахтакор", 30 ёш), Даврон Ҳошимов ("Навбаҳор", 28 ёш), Ислом Қобилов ("Локомотив", 24 ёш), Марлен Чобанов ("Пахтакор", 21 ёш), Абдулла Абдуллаев ("Бунёдкор", 24 ёш), Иброҳим Ҳалил Йўлдошев ("Нижний Новгород", 20 ёш), Аббос Отахонов (АГМК, 26 ёш).

Ярим ҳимоячилар - Одил Ҳамробеков ("Пахтакор", 25 ёш), Икром Алибоев ("Тэджон", 27 ёш), Отабек Шукуров ("Ал Шаржа", 25 ёш), Аброр Исмоилов ("Пахтакор", 23 ёш), Достонбек Ҳамдамов ("Пахтакор", 25 ёш), Азиз Ғаниев ("Шабаб Ал Аҳли", 23 ёш), Жалолиддин Машарипов ("Ал Насср", 28 ёш), Ҳожимат Эркинов ("Пахтакор", 20 ёш), Ислом Кенжабоев ("Қизилқум", 22 ёш).

Ҳужумчи - Игорь Сергеев ("Тобол", 28 ёш), Элдор Шомуродов ("Рома", 26 ёш).

Жорий йиғинда иштирок этаётган йигитларнинг ўртача ёши 24,8 га тенг: дарвоза — 28,6 ёш, мудофаа — 24,7 ёш, ярим ҳимоя — 23,1 ёш, ҳужум чизиғи — 27 ёш.

Элдорбек Суюнов, Ўткаир Юсупов ва Фаррух Сайфиев миллий жамоамиз сафидаги энг тажрибали ўйинчилар ҳисобланишади (барчаси 1991 йилда туғилган). 

Улардан 10 ёшга кичикроқ Ҳожимат Эркинов ва Иброҳим Ҳалил Йўлдошев эса Сречконинг энг ёш шогирдлари.

Таркибда 1 нафар дебютант бор. Бу — "Пахтакор" ҳимоячиси Марлен Чобанов. Терма жамоадан илк бор чақирув олган 21 ёшли футболчи Грузияга қарши баҳсда дебют қилиши мумкин.

Шунингдек, 4 нафар футболчи узоқ муддатлик танаффусдан кейин мамлакатимизнинг бош жамоаси либосида майдонга тушиши мумкин.

Ўткирбек Юсупов —  3 йил.

Суперлигамиздаги энг тажрибали киперлардан ҳисобланадиган Юсупов миллий жамоа дарвозасини фақат 1 та ўйинда қўриқлаган. Купер уни 2018 йилнинг октябрь ойида Қатарга қарши ўтказилган ўртоқлик баҳсида синаб кўрган эди.

Даврон Ҳошимов — 2 йил.

Терма жамоа бошқаруви Вадим Абрамов қўлига ўтгач, унинг эшиклари "Навбаҳор" ҳимоячиси учун узил-кесил ёпилганди. Ҳошимов сўнгги бор Фаластин майдонида ўтган, Купернинг истеъфосига сабаб бўлган баҳсда ҳаракатланган.

Аббос Отахонов — 3 йил.

АГМК ҳимоячиси бунга қадар терма жамоа либосини 2 та ўртоқлик ўйинида кийган. Аниқроқ айтсак, у Тимур Кападзе томонидан Эрон ва Уругвайга қарши ўртоқлик баҳсларига жалб қилинган эди (2018).

Ислом Кенжабоев — 3 йил.

"Қизилқум" ярим ҳимоячиси ҳам фақат Тимур Кападзе замонидан чақирув олган ва Эрон билан ўйинда бир неча дақиқа ўйнаган эди.

Эслатиб ўтамиз, бунга қадар Сречко Катанец бошчилигида 3 та ўртоқлик ўйини ўтказган Ўзбекистон терма жамоаси 1 та ғалабага эришган. Грузияга қарши баҳс словениялик мутахассис учун термамиз устози сифатида 4-си бўлади. Учрашув Тошкент вақти билан 19:00 да старт олади.

Суперлига. "Қўқон-1912" "Насаф"ни ҳеч қачон сафарда енголмаган (9 факт)